તમે દર મહિને ફક્ત 17 રૂપિયાનું રોકાણ કરીને એટલે કે દર મહિને 500 રૂપિયાનું રોકાણ કરીને 1 કરોડની રકમ જમા કરી શકો છો.
17 રૂપિયાનું રોકાણ કરી બનો કરોડપતિ
દર મહિને બચાવો ફક્ત 500 રૂપિયા
જાણો SIPનું સંપૂર્ણ કેલ્યુલેશન
પરિવારના ભવિષ્ય માટે તમે શું પ્લાન કર્યો છે? જો તમે પણ એવા લોકોમાંથી એક છો જેમણે કંઈપણ પ્લાનિંગ કર્યું નથી. તો પ્લાનિંગ કરવા પર થોડુ જોર આપો. તમે રોકાણ માટે કોઈ જાણકારની સલાહ પણ લઈ શકો છો. અમે તમને કેટલીક એવી વસ્તુઓ સૂચવી રહ્યા છીએ જો તમે ઇચ્છો તો તમે તેમાંથી કેટલાક આઈડિયા લઈ શકો છો.
નાના રોકાણથી ભેગુ કરો મોટુ ફંડ
દરરોજ નાના રોકાણથી તમે મોટુ ફંડ બનાવી શકો છો. અહીં અમે તમને જણાવીશું કે તમે નાના રોકાણ સાથે કેવી રીતે મોટું ફંડ બનાવી શકો છો. અમે તમને 500 રૂપિયા પ્રતિ મહિનાના પ્લાન વિશે જણાવી રહ્યા છીએ. જો તમે તેને દરરોજના હિસાબથી જુઓ તો તે લગભગ રૂ.16.66 રૂપિયા થાય છે. દરરોજ 17 રૂપિયાની બચત કોઈ મોટી વાત નથી.
દરમહિને કરો 500 રૂપિયાની એસઆઈપી
શરૂઆતમાં તમે મુચ્યુઅલ ફંડમાં રોકાણ કરી શકો છો. 500 રૂપિયા મહિનાની SIPથી તમારા કરોડપતિ બનવાની ઈચ્છા પુરી થઈ શકે છે. આવો જાણીએ 500 રૂપિયાથી કઈ રીતે 1 કરોડનું ફંડ તૈયાર થઈ શકે છે? તમારે દરરોજ 17 રૂપિયાનું રોકાણ મ્યુચ્યુઅલ ફંડમાં કરવાનું રહેશે. પાછલા અમુક વર્ષોમાં મ્યુચ્યુઅલ ફંડે 20 ટકા અથવા તેનાથી પણ વધારે રિટર્ન આપ્યું છે.
મળશે 15 થી 20% રિટર્ન!
અમે તમને જણાવ્યું હતું કે તમારે દરરોજ 17 રૂપિયા એટલે કે મહિનામાં 500 રૂપિયાનું રોકાણ કરવું પડશે. આ રકમ 20 વર્ષ સુધી જમા કરીને તમે 1.2 લાખ રૂપિયા જમા કરાવો છો. 20 વર્ષમાં વાર્ષિક 15% રિટર્ન પર તમારું ફંડ વધીને 7 લાખ 8 હજાર રૂપિયા થઈ જશે. જો આપણે 20 ટકા વાર્ષિક રિટર્નની વાત કરીએ તો આ ફંડ વધીને 15.80 લાખ રૂપિયા થઈ જશે.
30 વર્ષનું રોકાણ બનાવશે કરોડપતિ
જો તમે 30 વર્ષ સુધી દર મહિને 500 રૂપિયાનું રોકાણ કરો છો તો તમે આ સમયગાળા દરમિયાન કુલ 1.8 લાખ રૂપિયા જમા કરો છો. હવે જો તમને 30 વર્ષ સુધી આના પર 20 ટકા વાર્ષિક રિટર્ન મળે છે. તો તમારું ફંડ વધીને 1.16 કરોડ થઈ જશે.
રોકાણકારોને મ્યુચ્યુઅલ ફંડ પર ચક્રવૃદ્ધિનો લાભ મળે છે. તેમાં દર મહિને રોકાણ કરવાની સુવિધા છે. આ જ કારણ છે કે તમે નાની રકમના રોકાણ પર મોટા ફંડ મેળવવાની અપેક્ષા રાખી શકો છો.