જર્મની / જર્મનીના હનાઉમાં ફાયરિંગ: 8 લોકોના મોત, અનેક ઘાયલ

• જર્મનીમાં 2 સ્થળ પર ફાયરિંગની ઘટના
• ફાયરિંગમાં 8 લોકોના મોત, અનેક લોકો ઘાયલ 
• હનાઉમાં કેસેલ્તાદ વિસ્તારમાં થયેલા ફાયરિંગમાં 5ના મોત
• હુક્કાબારમાં થયેલા ફાયરિંગમાં 3ના મોત 

અજાણ્યા શખ્સોએ શહેરના શિશા બારમાં ગોળીબાર કર્યો હતો

જર્મનીની બે જગ્યાએ ફાયરિંગની ઘટના બની છે. જર્મનીનાં હનાઉ શહેરમાં બુધવારે ગોળીબાર થયો હતો. આ સમગ્ર ઘટનામાં 8 લોકોના મોત નિપજ્યા હતા. જ્યારે અનેક લોકો ઘાયલ થયાં હતા. જર્મન મીડિયાના જણાવ્યાનુંસાર અજાણ્યા શખ્સોએ શહેરના શિશા બારમાં ગોળીબાર કર્યો હતો. સ્થાનીક સમયાનુંસાર આ ઘટના રાતે 10 વાગે બની હતી. 

Mass shooting in German city leaves 8 dead, several critically injured: Report

Read @ANI Story | https://t.co/EcPIvRHeTY pic.twitter.com/QVIO3Yc4h9

— ANI Digital (@ani_digital) February 20, 2020

હુમલાખોર ફરાર થઈ ગયો હતો

પોલીસે વિસ્તારને ઘેરી તપાસ હાથ ધરી હતી. હુમલાખોર ફરાર થઈ ગયો હતો. હનાઉની પાસે કેસેલ્તાદ વિસ્તારમાં ગોળીબાર થયાની જાણકારી મળી હતી. જર્મન બ્રોડકાસ્ટર હોસેનશાઉના જણાવ્યાનું સાર પહેલી ગોળીમાં 3 લોકો માર્યા ગયા હતા. જ્યારી બીજા ગોળીબારમાં 5 લોકોના મોત નિપજ્યા હતા. હનાઉ ફ્રૌંકફર્ટથી લગભગ 25 કિમીના અંતરે છે. અહીની વસ્તી 1 લાખથી વધારે છે. 

આ પહેલા એક ગોળીબારમાં એક  જ પરિવારના 6ના મોત

આ પહેલા જર્મનીના દક્ષિણ- પશ્ચિમ શહેર રૉટ એમ સીમાં ફાયરિંગની ઘટના બની હતી. જેમાં 6 લોકોના મોત નિપજ્યા હતા. સ્થાનીક મીડિયાના જણાવ્યાનુંસાર એક બંદૂકધારીએ પરિવારના 6 સભ્યોની ગોળી મારી હત્યા કરી દીધી હતી.  સૂત્રોના જણાવ્યા પ્રમાણે  હત્યારો પરિવારને સારી રીતે ઓળખતો હતો.