અમેરિકામાં જ્યોર્જ ફ્લૉયડના મૃત્યુ પછી ન્યાય માટે કાળા લોકો પ્રદર્શન કરી રહ્યા છે. લગભગ 30 શહેરોમાં હિંસક દેખાવો પણ યોજાયા હતા. 'ધ ન્યૂયોર્ક ટાઇમ્સ'ના સમાચાર અનુસાર શુક્રવારે રાત્રે સેંકડો પ્રદર્શનકારીઓ વોશિંગ્ટનના વ્હાઇટ હાઉસની બહાર એકઠા થયા હતા. પ્રદર્શનકારીઓ બહાર આવ્યાની જાણ થતાં જ વ્હાઇટ હાઉસના સુરક્ષા અધિકારીઓ રાષ્ટ્રપતિ ડોનાલ્ડ ટ્રમ્પને ભૂગર્ભમાં બનાવેલા બંકરમાં લઈ ગયા હતા. સમાચાર મુજબ ટ્રમ્પને ત્યાં એક કલાક કરતા પણ ઓછા સમય માટે રાખવામાં આવ્યા હતા.
સુરક્ષા અધિકારીઓ રાષ્ટ્રપતિ ડોનાલ્ડ ટ્રમ્પને બંકરમાં લઈ ગયા
ટ્રમ્પને ત્યાં એક કલાક કરતા પણ ઓછા સમય માટે રાખવામાં આવ્યા
પત્ની મેલાનિયા ટ્રમ્પ અને સલાહકાર બેરોન ટ્રમ્પ પણ તેમની સાથે બંકરમાં ગયા હતા કે નહીં?
સિક્રેટ સર્વિસ અને યુનાઇટેડ સ્ટેટ્સ પાર્ક પોલીસના અધિકારીઓએ પ્રદર્શનકારીઓને આગળ વધતા અટકાવ્યા. પ્રદર્શનકારીઓ વ્હાઇટ હાઉસ પહોંચ્યા ત્યારે ડોનાલ્ડ ટ્રમ્પ અને તેમની ટીમના સભ્યો પણ આશ્ચર્યચકિત હતા. હજુ સુધી એ સ્પષ્ટ નથી થયું કે ટ્રમ્પની સાથે તેમની પત્ની મેલાનિયા ટ્રમ્પ અને સલાહકાર બેરોન ટ્રમ્પ પણ તેમની સાથે બંકરમાં ગયા હતા કે નહીં.
હિંસક વિરોધના પગલે વૉશિંગ્ટન સહિત અમેરિકાના 40 શહેરોમાં કર્ફ્યુ લાદવામાં આવ્યો છે. અશ્વેત આફ્રિકન-અમેરિકન નાગરિક જ્યોર્જ ફ્લૉયડનું પોલીસ કસ્ટડીમાં મૃત્યું થયા પછી અવારનવાર દેખાવો થઈ રહ્યા છે. 15 રાજ્યોમાં લગભગ 5000 નેશનલ ગાર્ડ્સે આ મોરચો સંભાળ્યો છે.
ઉલ્લેખનીય કે સોમવારે છેતરપિંડીના એક કેસમાં એક રેસ્ટોરન્ટના સિક્યુરિટી ગાર્ડ જ્યોર્જ ફ્લોયડને પોલીસે પકડ્યો હતો. આ ઘટનાનો એક વીડિયો વાયરલ થયો છે. વીડિયોમાં સ્પષ્ટ છે કે ધરપકડ સમયે જ્યોર્જે વિરોધ કર્યો ન હતો. પોલીસે તેના હાથમાં હાથકડી પહેરાવીને તેને જમીન પર બેસાડી દીધો. જે બાદ એક પોલીસ અધિકારીએ તેની ગરદનને ઘૂંટણથી દબાવી હતી. જ્યોર્જ કહેતો રહ્યો કે તે શ્વાસ લઈ શકતો નથી અને થોડી વાર પછી તે બેહોશ થઈ ગયો. તેમને હોસ્પિટલમાં મૃત જાહેર કરાયા હતા. લોકો જ્યોર્જના મોતથી ગુસ્સે થયા હતા અને રંગભેદના મુદ્દે શહેરમાં હોબાળો શરૂ થયો હતો.
શહેરની અનેક દુકાનમાં લૂંટના સમાચાર મળી રહ્યા હતા. પોલીસે લોકોને કાબૂમાં રાખવા ટીઅર ગેસ અને રબરની બુલેટનો ઉપયોગ કર્યો હતો. એક વ્યક્તિનું ગોળી વાગતાં મોત નીપજ્યું હતું. સ્ટોરના માલિકે તે વ્યક્તિને ગોળી મારી છે કે કેમ તે અંગે પોલીસ પણ તપાસ કરી રહી છે. વ્હાઇટ હાઉસે આ મામલે એક નિવેદન બહાર પાડતાં કહ્યું છે કે રાષ્ટ્રપતિ ટ્રમ્પને આ ઘટનાથી ભારે દુ .ખ થયું હતુ અને તેઓ ઇચ્છે છે કે જ્યોર્જ ફ્લોયડને ન્યાય મળે.