Saturday, April 20, 2019

ટેક્નોલોજી / જિયો ફાઇબર આ બેંકો પાસેથી લઇ રહી છે રૂ.27,000 કરોડની લોન

જિયો ફાઇબર આ બેંકો પાસેથી લઇ રહી છે રૂ.27,000 કરોડની લોન

નવી દિલ્હીઃ ટેલિકોમ ઓપરેટર રિલાયન્સ જિઓએ પોતાના ઓપરેશનનાં અઢી વર્ષમાં જ ૩૦ કરોડ ગ્રાહકોનો આંકડો પાર કરી લીધો છે. કંપનીને આ સફળતા ગત ૨ માર્ચે જ પ્રાપ્ત થઇ હતી. દરમિયાન રિલાયન્સ જિઓ ઇન્ફોકોમના ફાઇબર યુનિટ બેન્કોનાં એક સમૂહ પાસેથી રૂ. ૨૭ હજાર કરોડની સિન્ડિકેટ લોન લેનાર છે.




માહીતગાર સૂત્રોનાં જણાવ્યાં અનુસાર જિઓથી ફાઇબર યુનિટને અલગ કર્યા બાદ નાણાકીય મદદ માટે કંપનીએ આ યોજના તૈયાર કરી છે. કંપની જે બેન્ક ગ્રૂપ પાસેથી લોન લેનાર છે તેમાં એસબીઆઇ, આઇસીઆઇસીઆઇ બેન્ક, એક્સિસ બેન્ક અને પીએનબીનો સમાવેશ થાય છે.
 


કંપનીનાં આ પગલાથી એક વાત સ્પષ્ટ છે કે હવે રિલાયન્સ જિઓ ફાઇબર કેબલ બિઝનેસ પર વધુ ધ્યાન કેન્દ્રિત કરી રહી છે. જિઓના ડીમર્જર પ્રોસેસથી ઊભા થનારાં બે એકમોમાંથી એક જિઓ ઇન્ફ્રાટેલ પ્રાઇવેટ છે. તેણે બે વર્ષની મેચ્યોરિટી સાથે આ લોન લીધી છે. તેના પર કંપની ૮.૩૫-૮.૮૫ ટકા વ્યાજ આપશે. આ લોનનો ઉપયોગ ફાઇબર યુનિટને મજબૂત કરવામાં થશે. કંપનીના એક વિશ્લેષકે જણાવ્યું હતું કે આ ફાઇબર નેટવર્કનો ઉપયોગ અન્ય ટેલિકોમ કંપની પણ કરી શકશે. એટલે સુધી કે તેનો ઉપયોગ પાવર ઇન્ડસ્ટ્રી પણ કરી શકશે.

 
jio Mukesh Ambani Jio Fiber Reliance Jio

જોવા જેવું વધુ જુઓ

બ્રેકિંગ ન્યૂઝ