Thursday, June 27, 2019
સબસ્ક્રાઈબ કરો VTVGujarati ન્યુઝ Whatsapp

ચૂંટણી / ટિકિટ વેચાયાના આક્ષેપ પર ગેનીબેન ઠાકોરે આપ્યો અલ્પેશને સણસણતો જવાબ

ટિકિટ વેચાયાના આક્ષેપ પર ગેનીબેન ઠાકોરે આપ્યો અલ્પેશને સણસણતો જવાબ

અલ્પેશ ઠાકોરના રાજીનામાં બાદ રાજ્યના રાજકારણમાં ઘણા વળાંક આવ્યા છે. રાજીનામું આપ્યા બાદ અલ્પેશ ઠાકોરની હાલત કફોડી બની છે. એક બાજુ કોંગ્રેસ પાર્ટી સસ્પેન્ડ કરી શકે છે તો બીજી બાજુ ઠાકોર સેના પણ છેડો ફાડી શકે છે. જ્યારે અલ્પેશ ઠાકોરે રાજીનામું આપતાં સમયે કોંગ્રેસના ધારાસભ્યો પર રૂપિયા લેવાનો આક્ષેપ કર્યો હતો, જેના પર ગેની બેન ઠાકોરે પ્રતિક્રિયા આપી છે.

અલ્પેશ ઠાકોરે કોંગ્રેસમાંથી રાજીનામું આપતાં સમયે કોંગ્રેસના ધારાસભ્યો પર રૂપિયા લેવાનો આક્ષેપ કર્યો હતો. જે મામલે વાવના ધારાસભ્ય ગેની બેન ઠાકોરે અલ્પેશ ટાકોરને સણસણતો જવાબ આપ્યો છે. 

ગેનીબેન ઠાકોરે કહ્યું કે કોઈપણ ધારાસભ્યએ પરથીભાઈ પાસેથી નાણા નથી લીધા. પૈસા મામલે ગેનીબેને અકડાઈને જવાબ આપતાં કહ્યું કે, મારા સહિત અન્ય 5 ધારાસભ્યોએ નાણા લીધા હોય તો અમને ભગવાન પહોંચે. અલ્પેશ ઠાકોર જે આક્ષેપ લગાવતા હતા તે ખોટા આક્ષેપ કરતા હતા.
 

તમને જણાવી દઇએ તે, અલ્પેશ ઠાકોરે કોંગ્રેસના તમામ હોદ્દા પરથી રાજીનામા આપ્યા બાદ અલ્પેશની મહત્વકાંક્ષાવાળી રાજનીતિના કારણે અત્યારે તેના જ સમાજ દ્વારા ભારે વિરોધ કરવામાં આવી રહ્યો છે.

અલ્પેશ ઠાકોર દ્વારા આંદોલનો કરીને જ્યારે સમાજના લોકોને રોજગારી આપવાની વાતો થતી હતી. વિધવા મહિલાઓ જે દારૂના વ્યવસાય સાથે જોડાયેલી હતી તેમને ભેંસો આપીને રોજગારી આપીને સમાજને સ્વચ્છ બનાવવાની વાતો આપી હતી અને સમાજના સંતોની કસમો ખાઈને રાજકારણમાં ના પ્રવેશવાની વાતો કરવામાં આવી હતી તે તમામ વાતો ખોટી સાબિત થતા આજે ચાણસ્મા ખાતે ઠાકોર સમાજના લોકો દ્વારા અલ્પેશ ઠાકોરનો વિરોધ કરવામાં આવી રહ્યો છે.
 
Image result for ગેનીબેન ઠાકોર


અલ્પેશ ઠાકોરના ભારે વિરોધ બાદ આજે ઠાકોર સેનાના નામે સદસ્ય બનાવવાના નામે 4 લાખ લોકો પાસેથી 100 રૂપિયા તેમજ મોલ બનાવીને 1100 રૂપિયા ઉઘરાવીને સમાજનો કરોડો રૂપિયાનો ભ્રષ્ટાચાર કર્યો તેવા આક્ષેપોથી આજે વાતાવરણ ગરમ થયું છે. ત્યારે આવનારા દિવસોમાં ભ્રષ્ટચરના મુદ્દે અલ્પેશ ઠાકોર પર શંકાના વાદળો ઉભા થઇ શકે છે. 
gujarat congress Alpesh Thakor geniben thakor

જોવા જેવું વધુ જુઓ

બ્રેકિંગ ન્યૂઝ