વિશ્વના ઘણા દેશોમાં કોરોના વાયરસનો ફેલાવો થઇ રહ્યો છે. ત્યારે કોરોના વાયરસના હાહાકારના લીધે બાર્સિલોનામાં દુનિયાના મોટા મોટર શોમાંથી એક જીનીવા મોટર શો રદ કરવામાં આવ્યો છે. શો રદ થવાથી રોકાણકારોની સાથે સાથે ઓટોમોબાઈલ સેકટરને મોટો ઝટકો લાગ્યો છે.
સ્વિસ સરકારે એક હજારથી વધુ લોકોનાં એકઠા થવા પર લગાવ્યો પ્રતિબંધ
સરકારના નિર્ણયના લીધે મોટર શો કેન્સલ
મોટર શોમાં લોન્ચ થવાની હતી ઘણી નવી કાર
બાર્સિલોનામાં 2020 Geneva Motor Show રદ કરી દેવામાં આવ્યો છે હવે આ વર્ષે મોટર શો નહીં થાય. સમગ્ર વિશ્વમાં કોરોનાવાઈરસનો ખતરો મંડરાઈ રહ્યો છે. ચીન સિવાય પણ ઘણા દેશોમાં કોરોના વાયરસના કેસ નોંધાયા છે ત્યારે સ્વિસ સરકારે એક જગ્યા પર એક હજાર થી વધુ લોકોના એકઠા થવા પર પ્રતિબંધ લગાવી દીધો છે જેથી આ કાર્યક્રમ રદ કરવાની ફરજ પડી છે.
GIMSના ચેરમેન મૂરિસ તુરેટીની કહ્યું કે અમે આ પરિસ્થિતિ માટે માફી માંગીએ છે. લોકોનુ સ્વાસ્થ્ય અમારી પહેલી પ્રાથમિકતા છે. નોંધનીય છે કે આ શો રદ્દ થવાથી આ શોનો હિસ્સો બનવા માટે જે લોકોએ રોકાણ કર્યું છે તેમને સૌથી વધારે નુકસાન થશે.
આયોજકો દ્વારા આ નિર્ણય કોરોના વાયરસથી બચવા માટે લેવામાં આવ્યો છે. મોટર શો કેન્સલ થવાથી આયોજકોની સાથે સાથે ઓટોમોબાઈલ સેકટરને પણ ઝટકો લાગશે. આ મોટર શો દુનિયાભરમાં થતા સૌથી મોટા મોટર શોમાંથી એક છે. ઓટોમોબાઈલ મેકર્સ તરફથી નવા મોડલ લોન્ચ કરવા પાછળ ખૂબ ખર્ચ પણ કરવામાં આવે છે.
મોટર શોમાં આ વર્ષે ઘણા નવા મોડલ લોન્ચ થવાના હતા. મોટર શોનાં આયોજકો તરફથી રોકાણકરોને ઈમેલ કરીને શો કેન્સલ થવાની જાણકારી આપવામાં આવી છે. મોટર શોમાં BMW I4, Hyundai Prophecy concept, Polestar's Precept જેવી કાર લોન્ચ થવાની હતી.