યુપીમાં હાલ ચૂંટણીનો પ્રચાર તેની ચરમસીમા પર છે. જ્યાં નેતાઓ જાહેરસભાઓ કરીને મતદારોને રીઝવવાનું કામ કરી રહ્યા છે. જો કે, દોડાદોડી વચ્ચે નેતાઓ પણ હાંફી જાય તેવી આ દોડમાં ઘણી વખત ન બનવાના બનાવો પણ બની જતાં હોય છે.
અખિલેશ યાદવની હાજરીમાં નેતાએ લાફો ઉગામ્યો
અખિલેશે ટોક્યા તો હસવા લાગ્યા નેતાઓ
જાહેરસભાને સંબોધન કરવા ગયા હતા અખિલેશ
ઉત્તર પ્રદેશમાં વિધાનસભા ચૂંટણી માટે સમાજવાદી પાર્ટીના અધ્યક્ષ અખિલેશ યાદવ આગરાની બાહ વિધાનસભા સીટ પરથી પ્રચાર કરવા પહોંચ્યા હતા. આ દરમિયાન મંચ પર કંઈક એવું થયું જેને જોઈને સૌ કોઈ હેરાન થઈ ગયા હતા. જાહેરસભામાં સપાના રાષ્ટ્રીય મહાસચિવ અને પૂર્વ કેન્દ્રીય મંત્રી રામજીલાલ સુમને જિલ્લા અધ્યક્ષ જીતેન્દ્ર વર્મા સામે લાફો ઉગામ્યો હતો. એટલુ જ નહીં, મંચ પર ત્યાં બાજૂમાં જ અખિલેશ યાદવ પણ બેઠા હતાં.
અખિલેશ સાથે મંચ પર બેઠા હતા નેતાઓ
હકીકતમાં સપા પ્રમુખ અખિલેશ યાદવ રવિવારે બાહ વિધાનસભા મત વિસ્તારના ઉમેદવાર મધુસુદન શર્માના સમર્થનમાં જાહેર સભાને સંબોધન કરવા પહોંચ્યા હતા. સભાના મંચ પર અખિલેશ યાદવની સાથે કેટલાય મોટા નેતાઓ હાજર હતાં. તેમની પાસે આગરા જિલ્લા અધ્યક્ષ જિતેન્દ્ર વર્મા પણ બેઠા હતાં.
आगराः बाह विधानसभा क्षेत्र में सभा के दौरान सपा के राष्ट्रीय महासचिव और पूर्व सांसद रामजीलाल सुमन ने पार्टी जिलाध्यक्ष जितेन्द्र वर्मा को तमाचा दिखा दिया, जिससे वह सहम गए, यह देखकर अखिलेश यादव हंस पड़े और माहौल को हल्का करने का प्रयास किया pic.twitter.com/hWOrrf9EpV
પૂર્વ સાંસદ રામજીલાલ સુમન સભાને સંબોધન કરી રહ્યા હતા. હું અખિલેશને પૂર્વ મુખ્યમંત્રી નથી માનતો, હું તેમને ભાવિ મુખ્યમંત્રી માનુ છું. આ દરમિયાન મંચ પર પાછળ અખિલેશની સાથે બેઠેલા જિલ્લાધ્યક્ષ જિતેન્દ્ર વર્મા કંઈક કહી રહ્યા હતા. પૂર્વ સાંસદે જિતેન્દ્ર વર્મા પાસે આવ્યા અને લાફો ઉગામ્યો હતો. જો કે, અખિલેશે વચ્ચે પડીને રોક્યા હતા. જે બાદ અખિલેશ યાદવ સહિત મંચ પર બેઠેલા તમામ લોકો હસવા લાગ્યા હતા.
અખિલેશે પાર્ટી કાર્યકર્તાઓને સંબોધન કર્યું
રામજીલાલ સુમન બાદ અખિલેશે પાર્ટી કાર્યકર્તાઓને સંબોધન કરતા કોઈનું નામ લીધા વગર કહ્યું કે, જ્યારથી સપા આ ચૂંટણીમાં મજબૂત દાવેદાર તરીકે ઉભરી રહ્યું છે, ત્યારથી લોકોને ફોન પર ધમકી આપવામાં આવી રહી છે. જો કોઈની પાસે આવો કોલ આવે છે તો તેને રેકોર્ડ કરી રાખો. મારી સરકાર સત્તામાં આવશે, તો તુરંત તેના પર મોટી એક્શન લેવામાં આવશે.