ઉત્તરપ્રદેશમાં લોકસભા ચૂંટણીના અંતિમ ચરણના મતદાનના એક દિવસ પહેલા મતદારોની આંગળીઓ પર બળજબરીપૂર્વક શાહી લગાવવાનો મામલો સામે આવ્યો છે. આ મામલો ઉત્તરપ્રદેશના ચંદોલી સીટનો છે.
આ સંસદીય સીટ હેઠળના તારા જીવનપુર ગામમાં લોકોનું કહેવું છે કે મતદાન પહેલા તેમની આંગળીઓ પર બળજબરીથી શાહી લગાવી દેવામાં આવી. તેના સાથે એમને 500 રૂપિયા આપવામાં આવ્યા. એમ કરનાર ગામમાં રહેનાર ત્રણ લોકો હતા. એમણે કહ્યું કે, 'એ લોકો ભાજપથી છે. એમણે પૂછ્યું કે શું અમે પાર્ટી માટે વોટ નાંખીશું, એમણે કહ્યું કે હવે તમે વોટ ન આપી શકો, કોઇને બતાવવું નહીં'.
ચંદોલીના એસડીએમ કુમાર હર્ષે આ મામલે કહ્યું, 'ફરિયાદકર્તા હાલ પોલીસ સ્ટેશને છે. એમની ફરિયાદ પર યોગ્ય કાર્યવાહી કરવામાં આવશે. એમણે હજુ પણ વોટ નાંખી શકે છે. કેમકે ચૂંટણી શરૂ થઇ નથી. એમણે પોતાની એફઆઇઆરમાં લખાવવું પડશે કે તેમની આંગળીઓ પર બળજબરી પૂર્વક શાહી લગાવવામાં આવી છે. ન્યૂઝ એજન્સીએ આ મતદાતાઓની આંગળીઓ પર લાગેલી શાહી વાલી તસવીર જાહેર કરી છે. એમણે પોતાના હાથ પર કથિત રીતે આપવામાં આવેલી નોટો પકડી રાખી છે અને તેમની આંગળીઓ પર શાહી લાગેલી છે.
Chandauli: Residents of Tara Jivanpur village allege ink was forcefully applied to their fingers & they were given Rs 500 y'day by 3 men of their village. Say, "They were from BJP&asked us if we'll vote for the party. They told us now you can't vote. Don't tell anyone." (18.05) pic.twitter.com/yICJKNPwdt
આપને જણાવીએ કે લોકસભા ચૂંટણીના સાતમા અને અંતિમ ચરણમાં ઉત્તરપ્રદેશની 13 સીટો પર રવિવારે થનારા મતદાનમાં વડાપ્રધાન નરેન્દ્ર મોદી સહિત કેટલાય દિગ્ગજોનું ભવિષ્ય નક્કી થશે. આ ચરણમાં વારાણસી ઉપરાંત ગાજીપુર, મિર્જાપુર, મહરાજગંજ, ગોરખપુર, કુશીનગર, દેવરિયા, બાંસગાંવ, ઘોસી, સલેમપુર, બલિયા, ચંદોલી અને રોબટ્રસંગજ સીટો માટે મતદાન યોજાઇ રહ્યું છે. આ ચરણમાં કુલ 167 ઉમેદવાર મેદાનમાં છે.