ગુજરાત લોકસભાની ચૂંટણી માટે 23 એપ્રિલના રોજ મતદાન યોજાશે. લોકસભાની ચૂંટણીમાં ખાસ કરીને ગુજરાતમાંથી 26 બેઠકો જીતવા માટે ભાજપ દ્વારા જોરશોરથી પ્રચાર કરવામાં આવી રહ્યો છે. ચૂંટણી પહેલા બોલિવુડના સેલેબ્સ અને ક્રિકેટરો પોત-પોતાની પસંદગીની પાર્ટીઓને સપોર્ટ કરી રહ્યા છે. તાજેતરમાં ટીમ ઇન્ડિયાના પૂર્વ ક્રિકેટર ગૌતમ ગંભીરે ભાજપ પક્ષ જોઈન કર્યો હતો. ત્યારે હવે ભારતીય ટીમના ઓલરાઉન્ડર અને ઈંગ્લેન્ડમાં રમાનારા વર્લ્ડકપ માટે 15 સભ્યોની ટીમમાં સિલેક્ટ થનારા ક્રિકેટર રવિન્દ્ર જાડેજાએ ભાજપ તથા પત્નીની સપોર્ટમાં પોસ્ટ કરી હતી, જે પછી પ્રધાનમંત્રી મોદીએ જાડેજાનો આભાર માન્યો હતો.
And, congratulations on being selected for the Indian cricket team for the 2019 World Cup. My best wishes. https://t.co/wLbssqSoTB
— Chowkidar Narendra Modi (@narendramodi) April 16, 2019
પ્રધાનમંત્રીએ મંગળારે જાડેજાની પોસ્ટ પર જવાબ આપતા લખ્યુ કે, ''તમારો આભાર, @imjadeja! અને 2019ના વર્લ્ડકપ માટે ભારતીય ટીમમાં પસંદ થવા બદલ અભિનંદન, મારી શુભેચ્છાઓ.''
સોમવારે સવારે ક્રિકેટર રવિન્દ્ર જાડેજાએ પોતાના ટ્વીટર એકાઉન્કાઉટ પર ભાજપનો ફોટો પોસ્ટ કરીને I Support BJP પોસ્ટ કરી હતી. પોસ્ટમાં જાડેજાએ પ્રધાનમંત્રી મોદીને ટેગ કર્યા અને પત્ની રિવાબા જાડેજાનું નામ લખ્યુ હતુ, જે પછી પ્રધાનમંત્રી ટ્વીટ કરીને પોતાની પ્રતિક્રિયા આપી હતી.
ઉલ્લેખનીય છે કે રવિન્દ્ર જાડેજાના પત્ની રિવાબા જાડેજાએ 3 માર્ચે જામનગરના સીટિંગ MP પૂનમ માડમની હાજરીમાં ભારતીય જનતા પાર્ટી જોઈન કરીને કેસરીયો ખેસ ધારણ કર્યો હતો. ત્યારે ચૂંટણી પહેલા જ જાડેજા પણ ભાજપના સમર્થનમાં આવ્યો છે.
આ પહેલા 14મી એપ્રિલને રવિવારે રવિન્દ્ર જાડેજાના બહેન નયનાબા અને પિતા અનિરુદ્ધ સિંહ જાડેજાએ જામનગરમાં યોજાયેલી રેલીમાં કોંગ્રેસ પાર્ટીમાં જોડાયેલા છે, તો આમ રવિન્દ્ર જાડેજાની પત્ની ભાજપ અને બહેન-પિતા કોંગ્રેસમાં જોડાતા ઘરનો આંતરિક વિખવાદ સામે આવ્યો છે.