પ્રજાસત્તાક દિવસ / BIG NEWS : પદ્મ પુરસ્કારોની જાહેરાત, કલ્યાણસિંહ અને બિપિન રાવતને પદ્મ વિભૂષણ સન્માન, જુઓ પૂરી યાદી

• કેન્દ્ર સરકારે કરી પદ્મ પુરસ્કારોની જાહેરાત
• CDS બિપિન રાવતને પદ્મ વિભૂષણ સન્માન 
• યુપી પૂર્વ મુખ્યમંત્રી કલ્યાણસિંહને પણ મરણોપરાંત પદ્મ વિભૂષણ

પ્રજાસત્તાક દિવસની પૂર્વસંધ્યાએ કેન્દ્ર સરકારે પદ્મ પુરસ્કારોની જાહેરાત કરી છે. કેન્દ્ર સરકારની જાહેરાત અનુસાર,  CDS બિપિન રાવત અને યુપી પૂર્વ મુખ્યમંત્રી કલ્યાણસિંહને પણ મરણોપરાંત પદ્મ વિભૂષણ એનાયત થશે. 

Former UP Chief Minister Kalyan Singh to be conferred with Padma Vibhushan posthumously

Former West Bengal CM Buddhadeb Bhattacharjee to get Padma Bhushan

Covaxin maker Bharat Biotech Chairman Krishna Ella, his co-founder wife Suchitra Ella to be awarded Padma Bhushan pic.twitter.com/hitWjV9kS4

— ANI (@ANI) January 25, 2022

કોંગ્રેસ નેતા ગુલામ નબી આઝાદને પદ્મ ભૂષણ 
કોંગ્રેસ નેતા ગુલામ નબી આઝાદને પદ્મ ભૂષણ સન્માનિત કરાશે તથા ઓલિમ્પિક ગોલ્ડ મેડાલિસ્ટ નીરજ ચોપડાને પદ્મશ્રી સન્માન મળશે. તો કલા શ્રેણીમાં રાધે શ્યામ ખેમકા, પ્રભા આત્રેને પદ્મ ભૂષણ પુરસ્કારથી સન્માનિત કરાશે. 

ચાર હસ્તીઓને પદ્મ વિભૂષણ
આ વખતે કેન્દ્ર સરકારે ચાર હસ્તીઓને પદ્મ વિભૂષણ પુરસ્કાર આપ્યો છે જેમાં પ્રભા આત્રે (આર્ટ), રાધેશ્યામ ખેમકા (સાહિત્ય) જનરલ બિપિન રાવત (સિવિલ સર્વિસ) અને કલ્યાણસિંહ (જાહેર બાબતો) સામેલ છે. 

17 હસ્તીઓને પદ્મ ભૂષણ
કેન્દ્ર સરકારે 17 લોકોને પદ્મ ભૂષણ પુરસ્કાર આપવાનું એલાન કર્યું છે જેમાં કોંગ્રેસ નેતા ગુલામ નબી આઝાદ, બંગાળના પૂર્વ સીએમ બુદ્ધદેવ ભટ્ટાચાર્ય, સાયરસ પુનાવાલા સહિતના બીજા લોકો સામેલ છે. 

107 લોકોને પદ્મશ્રી
આ ઉપરાંત 107 લોકો માટે પણ પદ્મશ્રી પુરસ્કારની જાહેરાત કરવામાં આવી છે. 

3 કેટેગરીમાં 128 પુરસ્કાર
પદ્મ વિભૂષણ, પદ્મ ભૂષણ અને પદ્મશ્રી એમ 3 કેટેગરી માટે કુલ 128 લોકોના નામની જાહેરાત કરવામા આવી છે. 

માઈક્રોસોફ્ટના પ્રમુખ સત્યા નડેલા અને ગૂગલના CEO સુંદર પિચાઈને પદ્મ ભૂષણ પુરસ્કાર 
કેન્દ્ર સરકારે માઈક્રોસોફ્ટના પ્રમુખ સત્યા નડેલા અને ગૂગલના CEO સુંદર પિચાઈને પદ્મ ભૂષણ પુરસ્કાર આપવાની જાહેરાત કરી છે.