દેશભરમાં કોરોનાની બીજી લહેરે અનેક સામાન્ય લોકો અને જાણીતી હસ્તીઓના ભોગ લીધા છે ત્યારે બોલીવૂડની ખ્યાતનામ અભિનેત્રીનું કોરોનાથી નિધન થયું હોવાના અહેવાલો સામે આવ્યા છે.
બોલીવૂડ પર છવાયું કોરોના સંકટ
80ના દાયકાની જાણીતી અભિનેત્રીનું નિધન
મુંબઇની હોસ્પિટલમાં લઈ રહ્યા હતા કોરોનાની સારવાર
80 ના દાયકામાં ઋષિ કપૂરથી લઈને શત્રુઘ્ન સિંહા સુધીના ઘણા મોટા કલાકારો સાથેની ફિલ્મોમાં કામ કરનારી અભિનેત્રી ગીતા બહલનું શનિવારે રાત્રે 9.40 વાગ્યે કોરોનાને કારણે નિધન થયું હતું.
મુંબઇની હોસ્પિટલમાં કોરોનાની લઇ રહ્યા હતા સારવાર
ઉલ્લેખનીય છે કે, કોરોના પોઝિટિવ ગીતા બહલને 19 એપ્રિલના રોજ મુંબઈના જુહુની ક્રિટીકેર હોસ્પિટલમાં દાખલ કરવામાં આવ્યા હતા. તે 64 વર્ષની ઉંમર ધરાવતા હતી.
પરિવારમાં 3 લોકોને થયો હતો કોરોના
ગીતા બહલ એક્ટર રવિ બહલની બહેન પણ હતા, જેમણે 80 અને 90 ના દાયકામાં ઘણી ફિલ્મોમાં હીરો તરીકે કામ કર્યું હતું. નોંધનીય છે કે ગીતાના ભાઈ રવિ બહલ, તેની 85 વર્ષીય માતા અને તેમના ઘરમાં કામ કરનાર મહિલા પણ કોરોનાની લપેટમાં આવી ગઈ હતી. પરંતુ ઘરે ઓઇસોલેશનમાં રહેતાં, ત્રણેયને આ રોગમાંથી 7 થી 10 દિવસમાં મુક્તિ મળી હતી. પરંતુ 26 એપ્રિલના રોજ તબિયત લથડતા ગીતાને આઈસીયુ ખસેડવામાં આવી હતી. તેની હાલત વધુ બગડતાં બે દિવસ પહેલાં જ તેમને વેન્ટિલેટર પર રાખવામાં આવેલ. જ્યાં શનિવારે મોડી રાતે તેમનું નિધન થયું હતું.
આ ફિલ્મોમાં કર્યું હતું કામ
આપને જણાવી દઇએ કે, 80 ના દાયકામાં, ગીતા બહલે ઋષિ કપૂર અને મૌશમી ચેટર્જી સાથે ફિલ્મ દો પ્રેમી (1980), જમાને કો દિખાના હૈ (1981), મેને જીના શીખ લીયા (1982), મેરા દોસ્ત મેરા દુશ્મન (1984), નયા સફર (1985). આ હિન્દી ફિલ્મો ઉપરાંત ગીતા બહલે ગુજરાતી ફિલ્મ નસીબ નો ખેલ (1982) અને યાર ગરીબા દા (1986) જેવી પંજાબી ફિલ્મોમાં પણ કામ કર્યું હતું.