ગાંધીનગર / GEB કર્મચારીઓએ આ કારણોસર પરિવારજનોને બદલીની માગની રજૂઆત કરવા મોકલ્યાં

• GEBમાં ફરજ બજાવતા કર્મચારીના પરિવારજનોની રજુઆત કરશે
• કર્મચારીના વાલીઓ રજુઆત કરવા પહોંચ્યાં તેવો પ્રથમ કિસ્સો
• કર્મચારી રજુઆત કરવા પહોંચે તો તેનો પગાર કાપી લેવાય છે

શાળામાં વિદ્યાર્થીઓ માટે વાલીઓ રજૂઆત કરે તે વાત તમે સાંભળી હશે અને જોઈ પણ હશે. પણ ક્યારેય કર્મચારીઓના પરિવારજનો રજૂઆત કરે તેવી ઘટના જોઈ છે ખરી. ગાંધીનગરમાં આવું જ કંઈક થવા જઈ રહ્યું છે.

જ્યાં GEBમાં ફરજ બજાવતા કર્મચારીઓના પરિવારજનો ઉર્જા મંત્રી સૌરભ પટેલને રજૂઆત કરશે. નવી ભરતી પહેલા જૂના કર્મચારીઓની વતનમાં બદલી કરવાની માગ કરવામાં આવશે.

આ રજૂઆત પરિવારજનો એટલા માટે કરી રહ્યાં છે કેમ કે જો કર્મચારીઓ પોતે રજૂઆત કરવા જાય તો પગાર કાપી લેવામાં આવે છે. ત્યારે આ પ્રકારની રજૂઆત પ્રથમ વાર જોવા મળી રહી છે.