મોદી સરકાર માટે સારા સમાચાર વર્ષ 2018-19માં GDP દર રહી શકે છે 7.2 ટકા

લખનૌઃ લોકસભાની ચૂંટણી પહેલા મોદી સરકાર માટે ખુબ સારા સમાચાર આવી ગયા છે. CSOના મતે વર્તમાન નાણાકીય વર્ષમાં અર્થતંત્રનો વિકાસ દર 7 ટકાથી ઉપર રહી શકે છે. 

CSOના જણાવ્યા પ્રમાણે 2018-19માં GDP દર 7.2 ટકાની ઝડપે વધી શકે છે. જ્યારે 2017-18માં GDP વિકાસ દર 6.7 ટકા જેટલો રહ્યો. એવું પણ કારણ સામે આવી રહ્યું છે કે કૃષિ અને ઉત્પાદન ક્ષેત્રના કારણે GDPના વિકાસ દરમાં વધારો થશે. એટલે અર્થતંત્રના વિકાસ દરમાં વૃદ્ધિ થવી મોદી સરકાર માટે ખુબ ફાયદામંદ રહી શકે છે.

વધુમાં જણાવ્યું કે સકલ મૂલ્ય વર્ધન આધારિત વૃદ્ધિ દર હાલના નાણા વર્ષમાં 7 ટકા રહેવાની આશા છે જે 2017-18માં 6.5 ટકા રહી. સીએસઓના આંકડા અનુસાર હાલના નાણાકીય વર્ષમાં ખેતી વનસંવર્ધન અને મત્સ્ય ઉદ્યોગ પાલનમાં 3.8 ટકાની ગતિથી વૃદ્ધિ સંભવ છે. ગત નાણા વર્ષમાં આ ક્ષેત્રમાં 3.8 ટકાની ગતિ નોંધાઇ હતી.