નવી દિલ્હીઃ દેશના વિકાસ દરમાં ત્રિમાસિકમાં મોટો ઘટાડો નોંધાયો છે. સરકારના તાજા આંકડાઓ અનુસાર હાજર નાણાવર્ષના બીજા ત્રિમાસિકમાં જીડીપી છેલ્લી ત્રિમાસિકના મુકાબલે 7.1 ટકા રહી છે. પ્રથમ ત્રિમાસિકમાં દેશની જીડીપી 8.2 ટકા નોંધાઇ હતી. જેને લઇને માત્ર ત્રણ મહિનામાં જીડીપીમાં 1.1 ટકાનો ઘટાડો નોંધાયો છે.
વિકાસ દરમાં ઘટાડાનું મુખ્ય કારણ ડૉલર વિરૂદ્ધ રૂપિયાનું મૂલ્યમાં આવેલ ઘટાડા અને ગ્રામીણ માંગમાં ઘટાડો આવી શકે છે. જો કે નાણાવર્ષ 2018-19ની બીજી ત્રિમાસિકમાં જીડીપીમાં ઘટાડો છતા જીડીપીનો વૃદ્ધિ દર ગત નાણાવર્ષની તુલનામાં વધુ રહી છે.
નાણાવર્ષ 2017-18ની બીજી ત્રિમાસિકમાં જીડીપી વૃદ્ધિ દર 6.3 ટકા રહી હતી જ્યારે ચાલુ નાણાવર્ષની બીજી ત્રિમાસિકમાં આ આંકડા 7.1 છે.