અર્થતંત્ર / મોદી સરકારને ઝટકો: GDP વિકાસ દર ઘટીને 5 ટકા, 6 વર્ષમાં સૌથી નીચા સ્તરે

રૅટિંગ ઍજન્સીઓ પણ આપી રહી છે ઝટકો

આ આંકડા એવા સમયે આવ્યાં છે જ્યારે દુનિયાભરની રૅટિંગ એજન્સીઓ ભારતના GDPના અનુમાનને ઘટાડી રહી છે.

બ્લૂમબર્ગના એક સર્વેક્ષણમાં પણ જૂન ક્વાર્ટરમાં GDP દર વધીને 5.7 ટકા રહેવાનું અનુમાન કરાયું હતું. આ પ્રકારે ઈન્ડિયા રૅટિંગ્સ ઍન્ડ રિસર્ચ પ્રાઈવેટ લિમિટેડે પણ પ્રથમ ક્વાર્ટરમાં GDP 5.7 રહેશે તેવું અનુમાન કર્યુ હતું. ઈન્ડિયા રેટિંગ્સે ભારતની વાર્ષિક GDP ગ્રોથનું અનુમાન 7.3 ટકાથી ઘટાડીને 6.7 ટકા કરી દીધું છે. એજન્સીનું માનવું છે કે વપરાશમાં ઘટાડો, ચોમાસામાં અપેક્ષા કરતા ઓછો વરસાદ, મૅન્યુફૅક્ચરિંગમાં ઘટાડો વગેરે જેવા કારણો સતત ત્રીજા વર્ષે અર્થવ્યવસ્થાને મંદીમાં રાખી શકે છે. નોમુરાના મતે ગ્રાહકોના વિશ્વાસમાં ઘટાડો દેખાઈ રહ્યો છે અને FDIમાં ઘટાડો થયો છે.

GDP at Constant (2011-12) Prices in Q1 of 2019-20 is estimated at 35.85 lakh crore, as against 34.14 lakh crore in Q1 of 2018-19, showing a growth rate of 5.0 % pic.twitter.com/0TBAkuTwKO

— ANI (@ANI) August 30, 2019

ઉલ્લેખનીય છે કે મોદી સરકારે આવતા પાંચ વર્ષમાં દેશને 5 ટ્રિલિયન ડૉલરની ઈકોનૉમી બનાવવાનું લક્ષ્ય રાખ્યું છે. પરંતુ નિષ્ણાતોનું કહેવું છે કે આ માટે સતત કેટલાંક વર્ષો સુધી 9 ટકા ગ્રોથ રેટ હોવો જોઈએ.