નાણાકીય વર્ષ 2021-21 માં દેશની જીડીપીમાં 7.3 ટકાનો મોટો ઘટાડો નોંધાયો છે. 40 વર્ષમાં દેશની જીડીપીમાં આવેલો આ સૌથી મોટો ઘટાડો છે.
નાણાકીય વર્ષ 2021 માં જીડીપીમાં 8 ટકાના ઘટાડાની આશા કરાઈ હતી
ગયા વર્ષે અર્થવ્યવસ્થા પર કોરોના મહામારીની મોટી માર પડી હતી
નાણાકીય વર્ષ 2020-21 ના ચોથા ત્રિમાસિકમાં જીડીપી ગ્રોથ 1.6 ટકા રહ્યો
આ પહેલા 1980 ની સાલાં ગ્રોથ રેટ -5.2 ટકા નોંધાયો હતો. તે વખતે પડેલા દુષ્કાળને કારણે જીડીપી માઈનસ ગ્રોથમાં ચાલ્યો ગયો હતો. સોમવારે સરકાર દ્વારા જારી થયેલા ડેટા અનુસાર, ગયા વર્ષના ચોથા ત્રિમાસિકમાં જીડીપી 1.6 ટકા વધી હતી તેનાથી એવો સંકેત મળતો હતો કે કોરોનાની બીજી લહેરમાં દેશની ઈકોનોમી રિકવરીના રસ્તે છે.
નાણાકીય વર્ષ 2019-20 માં 4 ટકાનો જીડીપી ગ્રોથ
દેશની ઈકોનોમીમાં નાણાકીય વર્ષ 2020-21 માં ઘટાડાની આશા વ્યક્ત કરાઈ હતી. 2019-20 માં દેશનો ડીજીપી ગ્રોથ 4 ટકો હતો. ગયા વર્ષે ગ્રોસ વેલ્યુ એડેડમાં 6.2 ટકાનો ઘટાડો આવ્યો હતો. ચાલુ વર્ષે ફેબ્રુઆરીમાં આર્થિક વૃદ્ધિ દરમાં 8 ટકાના ઘટાડાનું અનુમાન વ્યક્ત કરાયુ્ં હતું.
કન્ટ્ર્ક્શન અને યુટિલિટી સેક્ટરનું સારુ પ્રદર્શન
ગયા વર્ષના છેલ્લા ત્રિમાસિકમાં કન્ટ્રકશન સેક્ટરનો ગ્રોથ 14 ટકા રહ્યો. યુટિલિટી સેક્ટરનો ગ્રોથ 9.1 ટકા રહ્યો. યુટિલિટીમાં ગેસ, વીજળી, વોટર સપ્લાય આવે છે. બીજી તરફ સર્વિસમાં 2.3 ટકાનો ઘટાડો આવ્યો. સર્વિસમાં હોટલ, ટ્રેડ અને ટ્રાન્સપોર્ટનો સમાવેશ થાય છે. જોકે કન્ટ્રક્શન અને યુટિલિટી ક્ષેત્રના સારા પ્રદર્શનને કારણે ગયા નાણાકીય વર્ષ જીડીપીમાં અનુમાન કરતા ઓછો ઘટાડો નોંધાયો હતો.
ત્રીજા ત્રિમાસિકમાં ઈકોનોમી પાટા પર ચડી
ગયા નાણાકીય વર્ષના ત્રીજા ત્રીમાસિકમાં ઈકોનોમી ગ્રોથના રસ્તે પરત આવી હતી. ડિસેમ્બર ત્રીમાસિકમાં જીડીપીનો ગ્રોથ 0.5 ટકા હતો. તેનાથી ગયા વર્ષના પહેલા નાણાકીય વર્ષના ત્રીમાસિકમાં જીડીપીમાં લગભગ 24 ટકા તથા બીજા ત્રીમાસિકમાં 7.5 ટકાનો ઘટાડો જોવા મળ્યો હતો.