જમ્મુ-કાશ્મીર કેન્દ્ર શાસિત પ્રદેશના પ્રથમ LG (લેફ્ટનન્ટ ગવર્નર) GC મુર્મુએ એક વર્ષ પછી જ પોતાના પદેથી રાજીનામું ધરી દીધું છે અને સૂત્રો અનુસાર મોટા ભાગે તેમની નવા CAG તરીકે નિયુક્ત થવાની સંભાવના છે.
GC મુર્મુએ એક વર્ષ બાદ આપ્યું રાજીનામું: સૂત્ર
જમ્મુ-કાશ્મીર કેન્દ્ર શાસિત પ્રદેશના પ્રથમ LG હતા મુર્મુ
પીએમ મોદી અને ગૃહ મંત્રી અમિત શાહ સાથે નજીકથી કામ કરેલું
ટોચના સૂત્રોના જણાવ્યા અનુસાર ગિરિશચંદ્ર મુર્મુ ભારતના કમ્પ્ટ્રોલર અને ઑડિટર જનરલ ઑફ ઈન્ડિયા રાજીવ મેહરીશીની જગ્યા લેશે અને તેમની નિમણૂકની સૂચના મોટે ભાગે એક કે બે દિવસે જાહેર કરવામાં આવશે.
સૂત્રોએ જણાવ્યું હતું કે મુર્મુ બુધવારે બપોરે શ્રીનગરથી નીકળ્યા હતા અને જમ્મુ ગયા હતા. તેઓ ગુરુવારે દિલ્હી ખાતે પહોંચશે. હાલના સમયમાં જ ગિરિશચંદ્ર મુર્મુ કેન્દ્ર સાથે સ્પષ્ટ મતભેદને પગલે કેટલાક વિવાદોમાં સામેલ થયા છે. સૌથી નોંધપાત્ર રીતે, 4G ઇન્ટરનેટને ખીણમાં પુન:સ્થાપિત કરવાની સૂચન કરતી તેમની ટિપ્પણીથી સુરક્ષા એજન્સીઓ સાથે સમસ્યા ઊભી થઈ હતી.
અસંમતિના બીજા મામલામાં, ચૂંટણી પંચે તેમને એમ કહેતા ખેંચી લીધા કે કેન્દ્રશાસિતમાં ચૂંટણીઓ સીમાંકન કવાયતનું પાલન કરશે, કેમ કે આ ચૂંટણી પંચનો આદેશ હતો. કડક શબ્દોમાં લખેલી પ્રેસ રિલીઝમાં, ચૂંટણી પંચે ખાસ જણાવ્યું હતું કે કેન્દ્રશાસિત પ્રદેશમાં ચૂંટણી યોજવાના કાર્યક્રમ પર ટિપ્પણી કરવું એ LGના દાયરામાં નથી આવતું.
ઉલ્લેખનીય છે કે ગિરિશચંદ્ર મુર્મુ 1985 ની બેચના ગુજરાત કેડરના આઈએએસ અધિકારી છે જેમણે ગાંધીનગર તેમજ દિલ્હીમાં પીએમ મોદી અને ગૃહ મંત્રી અમિત શાહ સાથે નજીકથી કામ કરેલું છે. જમ્મુ-કાશ્મીરને બે કેન્દ્રશાસિત પ્રદેશો, જમ્મુ અને કશ્મીર અને લદ્દાખમાં વિભાજીત થયા ત્યારે તેમને J&K કેન્દ્રશાસિત રાજ્યના પ્રથમ LG બનાવાયા હતાં. તે પહેલાં સમયે ખર્ચ સચિવ તરીકે કામ કરતા હતાં.