હજાર રૂપિયાના જમવાના બિલ સામે વ્યક્તિએ 2 લાખ રૂપિયાની ટિપ આપી હતી. જો કે આ વાત સારી છે પણ કહાનીમાં ટ્વીસ્ટ પણ આવ્યો છે કે હાલ એ વ્યક્તિ તેના પૈસા પાછા માંગી રહ્યો છે.
હજાર રૂપિયાના જમવાના બિલ સામે વ્યક્તિએ 2 લાખ રૂપિયાની ટિપ આપી
હાલ એ વ્યક્તિ તેના પૈસા પાછા માંગી રહ્યો છે.
ક્રેડિટ કાર્ડના ચાર્જ બેક નિયમો હેઠળ તેને રિફંડનો દાવો પણ કર્યો
એવું કહેવાય છે કે જ્યારે કોઈ વ્યક્તિ સારું કામ કરે છે ત્યારે અપેક્ષા લોકો અપેક્ષા રાખે છે કે બદલામાં એમની સાથે પણ કઇંક સારું થશે પણ ઘણી વખત એવું નથી થતું. ઘણી વખત લોકો રેસ્ટોરન્ટ કે હોટેલમાં જાય છે તો વેઈટરની સારી સર્વિસ માટે ટિપ આપે છે અને ટીપમાં મળેલ પૈસાને કારણે વેઈટર ઘણો ખુશ થાય છે. હાલ એક એવો કિસ્સો સામે આવ્યો છે જેમાં એક વ્યક્તિ રેસ્ટોરન્ટમાં જમવા આવ્યો અને હજાર રૂપિયાના જમવાના બિલ સામે એ વ્યક્તિએ લગભગ 2 લાખ રૂપિયાની ટિપ આપી હતી. જો કે આ વાત સારી છે પણ કહાનીમાં ટ્વીસ્ટ પણ આવ્યો છે કે હાલ એ વ્યક્તિ તેના પૈસા પાછા માંગી રહ્યો છે.
રેસ્ટોરન્ટમાં જમવા આવેલા વ્યક્તિએ કર્યું કઇંક આવું
એક રિપોર્ટ અનુસાર અમેરિકાના પેન્સિલવેનિયામાં અલ્ફ્રેડો કેફે આવેલ છે અને એ કેફેમાં મારિયાના લેમ્બર્ટ નામની મહિલા વેઈટર તરીકે કામ કરે છે. લગભગ ત્રણ મહિના પહેલા એક વ્યક્તિ કેફેમાં આવ્યો હતો અને લગભગ એક હજાર રૂપિયાનું લંચ કર્યું હતું અને બિલ ચૂકવી ને તેને એ વેઇટર મહિલાને 2 લાખ રૂપિયાની ટિપ આપી હતી. એ સમયે વેઈટરને આ જાણીને ખૂબ અચંબિત થઈ હતી. એ વ્યક્તિનું નામ એરિક સ્મિથ હતું અને એ સમયે ટીપ આપતા તેને કહ્યું હતું કે ટિપ્સ ફોર જીસસના અભિયાનથી પ્રભાવિત થઈને તેને આવો નિર્ણય કર્યો હતો. પણ બે મહિના પછી જે મહિલા વેઇટરને ટીપ આપી હતી તેને એવો આંચકો લાગ્યો કે જે તેને સપનામાં પણ નહીં વિચાર્યું હોય.
લેટર મોકલીને પાછા માંગયા પૈસા
ટીપ આપનાર એરિક સ્મિથે ગયા મહિને રેસ્ટોરન્ટને એક પત્ર મોકલીને તેના પૈસા પાછા માંગયા હતા અને ક્રેડિટ કાર્ડના ચાર્જ બેક નિયમો હેઠળ તેને રિફંડનો દાવો પણ કર્યો હતો. એ પછી રેસ્ટોરન્ટે ફેસબુક પર સ્મિથનો સંપર્ક કરવાનો પ્રયાસ કર્યો હતો પણ કોઈ જવાબ મળ્યો નહતો. આ પછી રેસ્ટોરન્ટે તેના પ્રયાસો બંધ કરીને કિસ્સો કોર્ટ તરફ વાળ્યો હતો. રેસ્ટોરન્ટના મેનેજર જેક્સ જેકોબસનું કહેવું છે કે આ ઘટનાથી તે ખૂબ જ નિરાશ થઈ ગયો. અમને લાગતું હતું કે કોઈ ખરેખર આટલું સારું કામ કરવા માંગે છેપણ હવે એમને માનવતામાંથી વિશ્વાસ ગુમાવી દીધો છે અને એટલા માટે એમને મેજિસ્ટ્રેટ કોર્ટમાં કેસ નોંધાવ્યો છે.