સ્પોર્ટ્સ / આ વખતે IPLમાં આ ટીમને હરાવવી ખૂબ મુશકેલ : ગવાસ્કર

• સુનીલ ગવાસ્કરે આપ્યુ નિવેદન 
• હાર્દિક પંડ્યા વિશે કહી મોટી વાત 
• ઇંગ્લેન્ડ વિરુદ્ધ ભારતના પફોર્મન્સથી ખુશ

ગવાસ્કરનુ કહેવુ છે કે આગામી સિઝનમાં રોહીત શર્માની કપ્તાનીવાળી ટીમ મુંબઇ ઇન્ડિયન્સને હરાવવુ ખુબ મુશ્કેલ હશે. મુંબઇ ઇન્ડિયન્સે આજ સુધી 5 વાર ટ્રોફી પોતાના નામ કરી છે. 

ગવાસ્કરે આ કારણે કહી આ વાત 
ગવાસ્કરના કહ્યા અનુસાર ભારત અને ઇંગ્લેન્ડ વચ્ચે રમાયેલી મૅચમાં રોહીત, ઇશાન, સુર્યકુમાર અને હાર્દિક પંડ્યાએ શાનદાર બેટિંગ કરી હતી. તેમાં મોટા ભાગના લોકો મુંબઇ ઇન્ડિયન્સના જ ખેલાડી હતા. જેના કારણે આઇપીએલમાં પણ આ વસ્તુનો ફાયદો ટીમને મળશે. ઇશાન કિશન અને સુર્યકુમારે ખુબ જ જોરદાર બેટિંગ કરી છે. જે ખેલાડીઓએ ટી20માં હિસ્સો લીધો છે તે ખુબ સારા ફોર્મમાં હશે. 

હાર્દિક પંડ્યા પર નિવેદન 
સ્ટાર ઓલરાઉન્ડર હાર્દિક પંડ્યા વિશે કહ્યું કે, આઇપીએલની ગઇ સિઝનમાં હાર્દિકે એક પણ ઓવર બોલિંગ નહોતી કરી પરંતુ ઇંગ્લેન્ડ વિરુદ્ધની મૅચમાં જે પ્રકારે 9 ઓવર બોલિંગ કરી છે તે પ્રકારે તે ઘણી વિકેટ લઇ શકે છે. ગવાસ્કરે કહ્યું કે ફાઇનલમાં હજુ વાર છે પરંતુ પંડ્યાએ જેવી શાનદાર વાપસી કરી છે તે મુંબઇ અને ભારતીય ક્રિકેટ માટે ખુબ સારી વાત છે. 

કોરોનાનો શિકાર થયા ક્રિકેટર

વર્લ્ડ રોડ સેફ્ટી સિરીઝ પત્યા પછી સચિનનો કોરોના રિપોર્ટ પોઝીટીવ આવ્યો છે. છત્તીસગઢના સ્ટેડિયમમાં આ સિરીઝ રમાઇ હતી. સચિન તેંડૂલકર પોઝીટીવ આવ્યો તે બાદ તાત્કાલિક પરિવારનો પણ રિપોર્ટ કરાવવામાં આવ્યો હતો. સચિન સિવાય દરેકનો રિપોર્ટ નેગેટીવ આવ્યો છે. હાલમાં તે હોમ ક્વોરંટાઇન છે અને તબિયત પર ધ્યાન આપી રહ્યાં છે. 

ટેસ્ટ વખતે કર્યો હતો પ્રેન્ક  
ભારતના મહાન ક્રિકેટર સચિન તેંદૂલકર હાલમાં રાયપુરમાં છે. રોડ સેફ્ટી વર્લ્ડ સિરીઝ રમાઇ રહી છે ત્યારે સચિને જોરદાર રાડ પાડી તેવો વીડિયો વાયરલ થઇ રહ્યો છે.

કોરોનાને કારણે ખેલાડીઓએ રેગ્યુલર કોરોના ટેસ્ટ કરાવવો પડે છે. આવામાં સચિને પણ ટેસ્ટ કરાવ્યો હતો. તેણે આ વીડિયો સોશ્યલ મિડીયા પર પોસ્ટ કર્યો છે અને તેમાં તે મેડિકલ સ્ટાફ સાથે પ્રેંક કરતા નજરે પડી રહ્યા છે. વીડિયો પોસ્ટ કરીને તેંદુલકરે કેપ્શનમાં લખ્યું કે, મે 200 ટેસ્ટ રમી છે અને આ 277 કોરોના ટેસ્ટ છે. એક નાનો પ્રેન્ક માહોલને હળવો બનાવી શકે છે. આપણા ડૉક્ટર્સને સલામ.