કર્ણાટકનાં 32 વર્ષિય ઓલરાઉન્ડર કૃષ્ણપ્પા ગૌતમનો આઈપીએલમાં ખાસ રેકોર્ડ નથી તેણે 2018 બાદ ત્રણ સિઝનમાં 24 મેચ રમી અને 186 રન બનાવવાની સાથે 13 વિકેટ ઝડપી છે.
એક પણ ઈન્ટરનેશનલ મેચ ના રમી હોવા છતા તગડી રકમ મેળવી
રોહિત અને હાર્દિકે ગળે લગાડીને પાર્ટી માંગી
માતા-પિતા ખુશીનાં આસુએ રડી પડ્યા
સૌથી વધારે રકમ મેળવનાર અનકેપ્ડ પ્લેયર બન્યો
ભારતીય ટીમનાં નેટ બોલર કૃષ્ણપ્પા ગૌતમને ઈન્ડિયન પ્રિમીયર લીગમાં 9.25 કરોડમાં ખરદ્યા બાદ તે તેની ભાવના પર કાબુ નથી પામી રહ્યો. તે ઉપરાંત હરાજી બાદ તેના માતા-પિતા અને પત્નીનાં પણ આંસુ છલકાઈ ગયા હતા. ચેન્નાઈમાં ગુરુવારે થયેલ હરાજીમાં ચેન્નાઈ સુપરકિંગ્સનાં ઓલરાઉન્ડર ગૌતમને મોટી ધનરાશી આપીને ખરીદવામાં આવ્યો. ગૌતમે હજુ સુધી કોઈ આંતરરાષ્ટ્રીય મેચ નથી રમી તેમ છતાં આવી રીતે સૌથી વધારે ધનરાશીમાં વેચાયેલ તે અનકેપ્ડ ખેલાડી બની ગયો છે. તેણે કૃણાલ પંડ્યાનાં 2018નો રેકોર્ડ તોડીને તેને પાછળ છોડી દીધો છે. કૃણાલને મુંબઈ ઈન્ડિયન્સે 8.8 કરોડમાં ખરીદ્યો હતો.
ઈંગ્લેન્ડ વિરુદ્ધ સિરીઝ માટે નેટ બોલરનાં રુપે ભારતીય ટીમમાં સામેલ ગૌતમે કહ્યું કે, ખૂબ ટેન્શન વાળો સમય હતો. ટીવી જોતા હું ખુબ બેચેન હતો. અમદાવાદમાં પહોંચ્યો અને મેં ટીવી જોયુ તો મારુ નામ આવ્યું. મિનિટ દર મિનિટ ભાવનાઓ બદલાતી રહી. ત્યારે રોહિત શર્મા અને હાર્દિક પંડ્યાએ મારા રુમનો દરવાડો ખખડાવ્યો અને મને ગળે લગાડી દીધો. મારી પાસે પાર્ટી માંગી. ગૌતમની બેઝ પ્રાઇઝ 20 લાખ હતી અને તેને ખરીદવા માટે કોલકાતા નાઈટ રાઇડર્સ અને સનરાઇઝર્સ હૈદરાબાદ વચ્ચે બોલીની હોડ લાગી હતી ત્યારે ચેન્નાઈ સુપરકિંગ્સે બોલીની વચ્ચે પડીને ગૌતમને ખરીદી લીધો હતો.
કર્ણાટકના આ 32 વર્ષિય ઓલરાઉન્ડરનો આઈપીએલમાં કોઈ ખાસ રેકોર્ડ નથી. તેણે 2018 બાદ ત્રણ સિઝનમાં 24 મેચ રમી અને 186 રન બનાવવાની સાથે 13 વિકેટ લીધી. તે 2018 અને 2019માં રાજસ્થાન રોયલ્સ તરફથી રમ્યો જ્યારે 2020માં કિંગ્સ ઈલેવન પંજાબનો ભાગ હતો જેમનાં માટે તે 2 મેચ રમ્યો હતો. ગૌતમનાં માતા-પિતા બેંગલુરુમાં હતા અને જ્યારે તેમને આ બાબતની જાણ થઈ ત્યારે તેમનાં ખુશીનાં આંસુ છલકાઈ ગયા હતા. અને તે ખુશીનાં આંસુ હતા. બધા ખૂબ ખુશ હતા.