વિવાદ / આફ્રિદીને ભારતમાં આવીને મગજની સારવાર કરાવવાની ગંભીરે આપી સલાહ

પાકિસ્તાનના પૂર્વ ઓલરાઉન્ડર ખેલાડી અને પૂર્વ કેપ્ટન શાહિદ અફ્રિદી ફરી એક વખત ચર્ચામાં છે. હાલમાં તે પોતાની ઓટોબાયોગ્રાફી ‘ગેમ ચેન્જર’ને લઈને સતત થઈ રહેલી ચર્ચામાં ચાલી રહેલા આફ્રિદી કોમેન્ટ્સ કરી છે. આફ્રિદીએ ગંભીરના વ્યવહાર પર સવાલ ઉઠાવ્યા છે. ગૌતમ ગંભીરે પણ આફ્રિદીના સવાલનો સણસણતો જવાબ આપવામાં મોડુ નથી કર્યુ.

પોતાની આ ઓટોબાયોગ્રાફીમાં આફ્રિદીએ ભારતના વર્લ્ડકપ વિજેતા ટીમ ઓપનિંગ બેટ્સમેન ગૌતમ ગંભીરની નિંદા કરી છે. વર્ષ 2011માં વર્લ્ડ કપમાં આફ્રિદી અને ગંભીર પોત-પોતાના દેશ માટે એકસાથે રમી રહ્યા હતા. બંનેની મેદાન પણ ઘણીવખત બોલાચાલી થઇ ચૂકી છે. આફ્રિદીએ ગંભીરના નિશાનો સાધતા કહ્યું, ભારતના આ પૂર્વ ઓપનરનો વ્યવહાર સારો નહોતો અને તેમના અટિટ્યૂડની સમસ્યા હતી. 

પોતાના પુસ્તકમાં આફ્રિદીએ ગંભીર વિશે લખ્યું, કેટલાક પ્રતિદ્વંદ્ઘી પર્સનલ હતા, કેટલાક પ્રોફેશનલ, પરંતુ ગંભીરનો કેસ અલગ હતો. ખૂબ જ ખરાબ ગૌતમ અને તેનામાં અટિટ્યૂડની સમસ્યા હતી. આફ્રિદીએ આગળ લખ્યુ કે, તે ગૌતમ જેનુ કોઇ અસ્તિત્વ નહોતુ. તે એક એવો ક્રિકેટર હતો, જે ક્રિકેટમાં ફિટ થતો હતો. તે જેના નામે ક્રિકેટના સારા રેકોર્ડ્સ પણ નથી, બસ તેની પાસે ખૂબ બધો એટિટ્યૂડ ભરેલો હતો. તેણે કહ્યું, તેના જેવા વ્યક્તિને કરાચીમાં સડિયલ બોલે છે. મને ખુશમિજાજ અને સકારાત્મક લોકો પસંદ છે. તેનો એવો મતલબ નથી, ભલે તે આક્રામક અને પ્રતિદ્વંદ્વી હોય. પરંતુ તમારે પોઝિટિવ હોવુ જોઇએ અને ગંભીરમાં આ ગુણો નહોતા. 

@SAfridiOfficial you are a hilarious man!!! Anyway, we are still granting visas to Pakistanis for medical tourism. I will personally take you to a psychiatrist.

— Chowkidar Gautam Gambhir (@GautamGambhir) May 4, 2019

ગૌતમ ગંભીરે શાહિદ આફ્રિદીને પોતાના ઉપર લખેલી આ વાતનો સણસણતો  જવાબ આપ્યો છે. હાલમાં જ રાજનીતિમાં આવેલા અને દિલ્હીથી ચૂંટણી લડી રહેલા ગૌતમ ગંભીરે શનિવારે ટ્વિટર દ્વારા આફ્રિદીને જવાબ આપ્યો. તેણે આફ્રિદીને ટેગ કરતા લખ્યું, ''આફ્રિદી તું એક વિચિત્ર વ્યક્તિ છે. પરંતુ કોઇ વાત નહી, અમે હજુ પણ પાકિસ્તાનીઓને મેડિકલ ટૂરિઝમના વિઝા આપી રહ્યા છીએ. હું તને જાતે મનોચિકિત્સક પાસે લઇ જઇશે.''

જણાવી દઈએ કે ગંભીરત અને આફ્રિદીમાં લાંબા સમયથી મેદાનની અંદર અને બહાર સંબંધ સામાન્ય નથી. વર્ષ 2004માં પણ એક મેચ દરમિયાન આ બંને ખેલાડીઓ એકબીજા સાથે બાખડ્યા હતા. ત્યારે એક મેચ દરમિયાન બંને વચ્ચે સ્થિતિ ખૂબ જ તણાવપૂર્ણ થઇ ગઇ હતી.