ગૌતમ ગંભીરે આપ્યો ભાવુક કરી દેતો 'રિટાયરમેન્ટ સંદેશ'

By : krupamehta 12:59 PM, 05 December 2018 | Updated : 01:00 PM, 05 December 2018
વર્ષ 2011માં વિશ્વ કપ જીતનારી ભારતીય ટીમનો ભાગ રહેલ પૂર્વ સલામી બેટ્સમેન ગૌતમ ગંભીરે મંગળવારે ક્રિકેટના તમામ પ્રારૂથી સંન્યાસ લઇ લીધો છે. દિલ્હી અને આંધ્રપ્રદેશની વચ્ચે ગુરુવારથી ફિરોઝશાહ કોટલા મેદાનમાં રમવામાં આવનારી રણજી સ્પર્ધા ગંભીરના શાનદાર ક્રિકેટ કરિયરની અંતિમ મેચ હશે. ભારત માટે 58 ટેસ્ટ અને 147 વન ડે મેચ રમનાર ગંભીરે ટ્વિટર કરીને એની જાણકારી આપી છે. ગંભીરે લખ્યું, 'જીંદગીમાં કડક નિર્ણય હંમેશા ભારે મનથી લેવામાં આવે છે. ભારે મનથી હું એવો નિર્ણય લેવા જઇ રહ્યો છું, જેને લેવાના વિચાર કરવાથી હું જીંદગીભર ડરતો રહ્યો.'

ગંભીરે સોશિયલ મીડિયા પર એક વીડિયો જારી કરીને કહ્યુ, 'આંધ્રપ્રદેશની સાથે થનારી રણજી ટ્રોફી હરીફાઇ મારા કરિયરની અંતિમ મેચ હશે. મારા કરિયરનો અંત ત્યા થવા જઇ રહ્યો છે, જ્યાંથી મે શરૂઆત કરી હતી. એક બેટ્સમેન તરીકે મે ટાઇમિંગનું સમ્માન કર્યું છે. મારા માટે સંન્યાસ લેવાનો સાચો સમય છે અને મને લાગે છે કે આ મારા શોટ્સની જેમ જ સ્વીટ છે.'

ગંભીરે 2016માં ભારત માટે અંતિમ ટેસ્ટ રમી હતી. એનું કરિયર 1999માં શરૂ થયું હતું. ગંભીરે ટેસ્ટ મેચોમાં 41.95ના સરેરાશથી કુલ 4154 રન બનાવ્યા અને વન ડે મેચોમાં એના નામે 5298 રન રહ્યા. ગંભીરે ભારત માચે 37 ટી 20 મેચો પણ રમી.  ગંભીપે એના કરિયરને યાદ કરતાં કહ્યું, 'બધું ખતમ થયું ગૌતી' મેદાન, ડ્રેસિંગ રૂમ તમે કોઇ પણ વસ્તુનુ નામ લો આ વિચાર કદાચ મને ખાલી છોડી દેશે. હું જ્યાપે ભારત, કલકત્તા, દિલ્હી ડેયરડેવિલ્સ માટે મેદાન પર ઊતર્યો આ વિચાર મારા દિમાગમાં એક ઊંડા અવાજની જેમ રહ્યો. ગંભીરે આગળ કહ્યું, 'જ્ારે હું આઇપીએલ 2014માં સતત ત્રણ વખત શૂન્ય પર આઉટ થયો તો મને ખૂબ જ લાગી આવ્યું, એ જ વર્ષે જ્યારે મારો ઇંગ્લેન્ડ પ્રવાસ સારો ના રહ્યો કો પણ હું નિરાશ થયો. 2016માં મને ઇંગ્લેન્ડ વિરુદ્ધ રમાવામાં આવેલી રાજકોટ ટેસ્ટ બાદથી મને ટીમની બહાર નિકાળી દેવામાં આવ્યો હતો. પરંતુ ફરીથી એક વખત મે ધ્યાન આપ્યું નહીં. હું આ અવાજને હરાવવા ઇચ્છતો હતો. નિર્ણય લેવાની જગ્યાએ મે મારા શરીરને સજા આપી.'

પ્રશંસકોને ભાવુક સંદેશ આપતા કહ્યું કે આ સફરમાં મે ઘણી ભાગીદારી કરી, પરંતુ એમાં સૌથી ખાસ ભાગીદારી મારી તમારી સાથે, ભારતીય ક્રિકેટ પ્રશંસકો સાથે રહી. મને પસંદ નથી તમને લોકોને 'પ્રશંસકો' અને 'ક્રાઉડ' કહીને સંબોધિત કરવામાં આવે. હું તમને બધાને પાર્ટનર તરીકે સંબોધિત કરવા ઇચ્છું છું. 


1 ક્લિક પર જોડાવો VTV ના સોશિયલ એકાઉન્ટ્સ સાથે...

તાજા સમાચારો મેળવવા ફોલો કરો Vtv Twitter એકાઉન્ટ
લાઇક કરો Vtv Facebook પેજ
ફોલો કરો Vtv Instagram એકાઉન્ટ
સબ્સક્રાઇબ કરો Vtv YouTube ચેનલ  



Recent Story

Popular Story