બોલિવૂડ એક્ટ્રેસ દીપિકા પાદુકોણ તેની ફિલ્મ 'છપાક'થી વધારે જેએનયુ પ્રોટેસ્ટમાં સામેલ થવાને લઈને ચર્ચામાં છે. હવે ક્રિકેટરમાંથી રાજકરણી બનેલાં દિલ્હીના ધારાસભ્ય ગૌતમ ગંભીરે દીપિકા પાદુકોણને લઈને મોટું નિવેદન આપ્યું છે. એક ઈન્ટરવ્યૂ દરમિયાન ગૌતમે દીપિકા પાદુકોણને ટોણો મારતા કહ્યું, વિરોધ કરી રહેલાં વિદ્યાર્થીઓની સાથે પ્રોટેસ્ટમાં સામેલ થવા કરતા જો તે રેપ પીડિતાના પરિવારને પણ મળી હોત તો સારું હોત.
દીપિકાની જેએનયુ વિઝિટને લઈ ફરી વિવાદ
ગૌતમ ગંભીરે વિવાદાસ્પદ નિવેદન આપ્યું
કહ્યું, રેપ પીડિતાના પરિવારને પણ મળી હોત તો સારું હોત
ગૌતમ ગંભીર આ પહેલાં એક ટ્વિટમાં લખ્યું હતું કે, આખરે ભારતની દીકરીને ન્યાય મળી ગયો. એવું જાણવા મળ્યું છે કે, મંગળવારે દીપિકા જેએનયુ કેમ્પસ પહોંચી હતી. આ દરમિયાન તે વિરોધ પ્રદર્શન કરી રહેલાં વિદ્યાર્થીઓ સાથે ઊભી હતી અને ત્યાં તે ઘાયલ વિદ્યાર્થી સંઘના અધ્યક્ષ આઈશી ઘોષને પણ મળી હતી. આ દરમિયાન સીપીઆઈ નેતા કન્હૈયા કુમાર, દીપિકા સામે સ્વતંત્રતાના નારા લગાવતા જોવા મળ્યા હતા.
તમને જણાવી દઈએ કે, દીપિકાએ જેએનયુમાં કોઈપણ પ્રકારનું નિવેદન આપ્યું નહોતું. જોકે, એ બાદ દીપિકાને સોશિયલ મીડિયા પર ખૂબ જ ટ્રોલ કરવામાં આવી હતી અને સોશિયલ મીડિયા પર #supportdeepika અને #boycottdeepika જેવા હેશટેગ ટ્રેન્ડ કરવા લાગ્યા, કારણ કે ઘણાં લોકોનું એવું માનવું છે કે, દીપિકાએ છપાકના પ્રમોશન માટે આ પગલું ભર્યું હતું. ઉલ્લેખનીય છે કે, મેઘના ગુલઝારે ડિરેક્ટ કરેલી ફિલ્મ છપાક 10 જાન્યુઆરીએ રિલીઝ થવાની છે. આ ફિલ્મમાં દીપિકા પાદુકોણ સહિત વિક્રાંત મેસી પણ જોવા મળશે.