એમેઝોનના સીઈઓ જૈફ બેજોસને પછાડીને ફરી વાર ગૌતમ અદાણી દુનિયાના ત્રીજા અમીર બની ગયા છે.
ગૌતમ અદાણી બન્યા ત્રીજા અમીર
એક દિવસ પહેલા જૈફ બેજોસ હતા ત્રીજા નંબરે
આજે બેજોસને ખસેડીને અદાણીએ મેળવ્યું સ્થાન
દુનિયાના ત્રીજા નંબરના અમીર બનવા માટે ગૌતમ અદાણી અને એમેઝોનના જૈફ બેજોસ વચ્ચે ગળાકાપ હરીફાઈ ચાલી રહી છે. હજુ તો શુક્રવારે જૈફ બેજોસ દુનિયાના ત્રીજા નંબરના અમીર રહ્યાં હતા પરંતુ તેના એક દિવસ બાદ આજે ઉત્તરાયણના દિવસે ગૌતમ અદાણીએ બેજોસને ખસેડીને ત્રીજા નંબરના અમીરનું બિરદુ મેળવી લીધું.
ગુરુવારે બેજોસ હતા ત્રીજા નંબરના અમીર
ગુરુવારે દુનિયાના ટોપ-10 અરબપતિઓની યાદીમાં મોટો ફેરફાર થયો હતો. જ્યારે એમેઝોનના કો-ફાઉન્ડર જેફ બેઝોસ ભારતીય ઉદ્યોગપતિ ગૌતમ અદાણીને પાછળ છોડીને વિશ્વના ત્રીજા સૌથી ધનિક વ્યક્તિ બન્યા હતા. પરંતુ તેઓ 24 કલાક
3જા નંબરના અમીર ન રહ્યાં અને ગૌતમ અદાણીએ લાંબી છલાંગ લગાવીને ફરીથી ત્રીજા સ્થાન પર કબજો કરી લીધો છે.ગુરૂવારના બ્લૂમબર્ગ બિલિયોનેર ઈન્ડેક્સ મુજબ ગૌતમ અદાણીના શેરમાં ઘટાડાને કારણે તેમની નેટવર્થ ઘટીને 118 અબજ ડોલર થઈ ગઈ હતી, આ દરમિયાન એમેઝોનના જેફ બેઝોસની સંપત્તિમાં 5.23 અબજ ડોલરનો જોરદાર વધારો થયો હતો
અદાણીની સંપત્તિ વધીને થઈ 119 અબજ ડોલર
છેલ્લા 24 કલાકમાં ભારતીય ઉદ્યોગપતિ ગૌતમ અદાણીની સંપત્તિમાં વધારો થયો અને આ સાથે જ તેમની કુલ સંપત્તિ વધીને 119 અબજ ડોલર થઈ ગઈ. આ આંકડા સાથે અદાણી ગ્રુપના ચેરમેન ફરી અમીરોની યાદીમાં ત્રીજા નંબરે આવી ગયા હતા, જ્યારે બેજોસ ફરી 118 અબજ ડોલરની સંપત્તિ સાથે ચોથા નંબરે આવી ગયા હતા. 2022માં ગૌતમ અદાણી એકમાત્ર એવા અબજોપતિ હતા જેમણે અઢળક કમાણી કરીને પોતાની સંપત્તિમાં વધારો કર્યો હતો. એક વર્ષમાં તેમની નેટવર્થમાં લગભગ 40 અબજ ડોલરનો વધારો થયો છે. એટલું જ નહીં તે નંબર-2 અમીરોની ખુરશી સુધી પણ પહોંચી ગયા હતા. બીજો સૌથી મોટો ફેરફાર ત્યારે જોવા મળ્યો જ્યારે ફ્રાન્સના અબજોપતિ બર્નાર્ડ આર્નોલ્ટે 2021થી સતત વિશ્વના નંબર વન અબજોપતિ રહેલા ટેસ્લાના સીઇઓ એલોન મસ્ક પાસેથી વિશ્વના સૌથી ધનિક વ્યક્તિનો તાજ છીનવી લીધો હતો. તાજેતરમાં જ સૌથી વધુ પૈસા ગુમાવવાના મામલે એલન મસ્કનું નામ ગિનિસ બુક ઓફ રેકોર્ડમાં નોંધાયું છે.
85.7 અબજ ડોલરની સંપત્તિ સાથે મુકેશ અંબાણી દુનિયાના 8મા નંબરના ધનિક
રિલાયન્સ ગ્રુપના ચેરમેન મુકેશ અંબાણી ટોપ-10 અરબપતિઓની યાદીમાં 8માં નંબર પર રહ્યાં છે. મુકેશ અંબાણીની નેટવર્થ 85.7 અબજ ડોલર છે.