અદાણી ટોપ 10 અબજોપતિઓની યાદીમાં હવે છઠ્ઠા નંબર પર આવી પહોંચ્યા છે. ગ્રુપની કંપનીના શેરમાં આવેલી જબરદસ્ત ઉછાળા પર સોમવારે તેમને ભારે નફો થયો હતો
દુનિયામાં ભારતીય ઉદ્યોગપતિની સફળતા
ગૌતમ અદાણી મુકેશ અંબાણી કરતા આગળ નિકળ્યા
ટોપ ટેન અબજોપતિની યાદીમાં છઠ્ઠા નંબરે આવ્યા
અદાણી ટોપ 10 અબજોપતિઓની યાદીમાં હવે છઠ્ઠા નંબર પર આવી પહોંચ્યા છે. ગ્રુપની કંપનીના શેરમાં આવેલી જબરદસ્ત ઉછાળા પર સોમવારે તેમને ભારે નફો થયો હતો અને તેમની નેટવર્થમાં શાનદાર તેજી આવી હતી. સોમવારે અદાણી ગ્રુપના તમામ લિસ્ટેડ કંપનીઓના શેરમાં ઉછાળો જોવા મળ્યો હતો.
એક દિવસમાં 65 હજાર કરોડની કરી કમાણી
બિલેનિયર ઈંડેક્સના જણાવ્યા અનુસાર વર્ષ 2022 ગૌતમ અદાણી માટે ખૂબ જ ફળદાયી રહ્યું છે. કમાણીના મામલે આ વર્ષે એલન મસ્ક અને જેફ બેજોસ જેવા દિગ્ગજોથી પણ આગળ નિકળી ગયા છે. તેમની નેટવર્થ રોકેટ ગતિએ આગળ વધી રહી છે અને તે વાતનો અંદાજ તેના પરથી લગાવી શકાય છે કે, હાલના દિવસોમાં ટોપ 10 યાદીમાં સામેલ મુકેશ અંબાણી અને ગૌતમ અદાણીની વચ્ચે એક સ્ટેજનું અંતર બની રહ્યું હતું. ક્યારેક 10માં સ્થાન પર અદાણીનો કબ્જો હતો, તો ક્યારેક આ સ્ટેજ પર અંબાણીનો કબ્જો હતો. પણ હવે 2022માં અદાણીએ એવી લાંબી છલાંગ લગાવી છે કે, મુકેશ અંબાણીથી પણ આગળ નિકળી ગયા છે. સોમવારે અદાણી ગ્રુપની તમામ લિસ્ટેડ કંપનીઓના શેરમાં ઉછાળો આવ્યો છે તેના કારણએ અદાણીની નેટવર્થમાં 8.7 અબજ ડોલર એટલે કે, 65,091 કરોડ રૂપિયાનો વધારો થયો છે.
કંપનીના શેરમાં જબરદસ્ત ઉછાળો
સોમવારે ગૌતમ અદાણીના નેતૃત્વવાળી અદાણી ટોટલ ગૈસના શેરોમાં સૌથી વધારે 10 ટકાનો ઉછાળો જોવા મળ્યો હતો. આ ઉપરાંત તેમની અન્ય કંપનીઓના શેર પણ લીલા નિશાન પર પ્રોગેસ કરતા જોવા મળ્યા હતા. બીજી કંપનીઓની વાત કરીએ તો, અદાણી પોર્ટમાં 1..83 ટકા, અદાણી પાવરમાં 4.78 ટકા, અદાણી વિલ્મરમાં 4.99 ટતા, અદાણી એન્ટરપ્રાઈઝમાં 0.37 ટકા અને અદાણી ટ્રાંસમિશનમાં 8.40 ટકાનો ઉછાળો જોવા મળ્યો હતો. આપને જણાવી દઈએ કે, હાલમાં જ દુબઈની ઈંટરનેશનલ હોલ્ડીંગ કંપનીએ અદાણી ગ્રુપની ત્રણ કંપનીઓમાં બે અબજ ડોલર એટલે કે, 15 હજાર કરોડનું રોકાણ કર્યું છે. આ સમાચાર સામે આવ્યા બાદ અદાણી ગ્રુપના શેરમાં ભારે ઉછાળો આવ્યો હતો.
આટલી થઈ ગઈ અદાણીની સંપત્તિ
રિપોર્ટમાં જણાવ્યા અનુસાર ગૌતમ અદાણીની નેટવર્થ હવે 118 અબજ ડોલર થઈ ગઈ છે. તેને લઈને ટોપ 10 અબજોપતિઓની યાદીમાં તેઓ છઠ્ઠ સ્થાન પર આવ્યા છે. તેમા હાલના દિવસોમાં અદાણી આઠમા સ્થાન પર રહ્યા હતા. આ ઉછાળા બાદ તેમની સંપત્તિ બીજા ભારતીય દિગ્ગજ ઉદ્યોગપતિ રિલાયંસ ઈંડસ્ટ્રીઝના ચેરમેન મુકેશ અંબાણીની સરખામણીમાં 20 અબજ ડોલર વધી ગઈ છે. મુકેશ અંબાણી 97.4 અબજ ડોલરની નેટવર્થ સાથે અબજોપતિઓના લિસ્ટમાં 11માં સ્થાન પર સરકી ગયા છે. સોમવારે રિલાયંસના શેરમાં ભારે ધબડકા બાદ નેટવર્થમાં 4.82 કરોડ ડોલરનો ઘટાડો થયો હતો. હવે અદાણી દુનિયાના સૌથી અમીર શખ્સ એલન મસ્ક, બીજા સ્થાન પર જેફ બેજોસ, ત્રીજા સ્થાન પર બર્નાર્ડ અરનોલ્ટ, ચોથા સ્થાન પર બિલ ગેટ્સ અને પાંચમા સ્થાન વોરેન બફેનું નામ આવે છે. વોરેન બફેની સંપત્તિ અદાણીથી ફક્ત નવ અબજ ડોલર વધારે છે.