બિઝનેસ / અદાણીને એક જ દિવસમાં પડ્યો 93,065 કરોડ રૂપિયાનો ફટકો, અંબાણી ફરી નિકળી ગયા આગળ

• રેસમાં આગળ નિકળી ગયા અંબાણી 
• અદાણીને એક જ દિવસમાં થયું 93,065 કરોડનું નુકસાન 
• દુનિયાના અમીરોની યાદીમાં અદાણી 13માં નંબર પર

અદાણી ગ્રુપ (Adani Group)ના ચેરમેન ગૌતમ અદાણી (Gautam Adani) બે દિવસ પહેલા એશિયાના સૌથી મોટા ધનિક બનવાના ખૂબ જ નજીક પહોંચી ગયા હતા. તેમની અને રિલાયન્સ ઈન્ડસ્ટ્રીઝના ચેરમેન મુકેશ અંબાણીની નેટવર્થની વચ્ચે ફક્ત 0.6 અરબ ડોલરનો અંતર રહી ગયો છે. પરંતુ શેર બજારમાં ઉથલપાથલથી હવે અંબાણી ધનીકોની રેસમાં ખૂબ જ આગળ નિકળી ગયા છે. બન્નેની નેટવર્થની વચ્ચે હવે અંતર વધીને 13 અરબ ડોલર પહોંચી ગયું છે. 

અદાણીની નેટવર્થમાં ભારે ઘટાડો 
અદામી ગ્રુપના (Adani Group) ચેરમેન ગૌતમ અદાણી (Gautam Adani) બે દિવસ પહેલા મુકેશ અંબાણીને પાછળ મુકવાના ખૂબ જ નજીક પહોંચી ગયા હતા. પરંતુ શુક્રવારે તેમની નેટવર્થમાં 12.4 અરબ ડોલર એટલે કે લગભગ 93,065 કરોડ રૂપિયાનો ઘટાડો થયો. આ કારણે હવે તે અમીર બનવામાં મુકેશ અંબાણીના ખૂબ પાછળ રહી ગયા. 

Bloomberg Billionaires Index અનુસાર અદાણીની નેટવર્થ હવે 78.1 અબજ ડોલર રહી ગઈ છે અને તે દુનિયાના અમીરોની યાદીમાં 13માં નંબર પર છે. આ વર્ષે તેમની નેટવર્થમાં 44.3 અરબ ડોલરની તેજી આવી છે. 

અદાણી ગ્રુપના શેરનો હાલ 
દક્ષિણ આફ્રીકામાં ઝડપથી ફેલાઈ રહેલા કોરોના વાયરસનો નવો વેરિએન્ટ મળ્યો છે. તેનાથી દુનિયાભરના શેર બજારોમાં શુક્રવારે ભારે કડાકો જોવા મળ્યો હતો. ભારતને પણ તેની અસર થઈ છે. બીએસઈ સેંસેક્સ 1,688 અંકના ભારે ઘટાડા સાથે બંધ થયું. અદાણી ગ્રુપની દરેક 6 લિસ્ટેડ કંપનીઓમાં ઘટાડો જોવા મળ્યો છે. અદાણી પોર્ટ્સમાં 5.86 ટકા, અદાણી એન્ટરપ્રાઈઝમાં 5.31 ટકા, અદાણી ટ્રાન્સમિશનમાં 1.16 ટરા, અદાણી પાવરમાં 3.52 ટકા, અદાણી ગ્રીન એનર્જીમાં 2.31 ટકા અને અદાણી ટોટલ ગેસમાં 2.01 ટકાનો ઘટાડો થયો છે. 

અંબાણીની નેટવર્થ 
Bloomberg Billionaires Index અનુસાર મુકેશ અંબાણી 91.1 અબજ ડોલરની નેટવર્થની સાથે દુનિયાના અમીરોની લિસ્ટમાં 11માં નંબર પર છે. ગુરુવારે રિલાયન્સના શેરોમાં 6.10 ટકા તેજી આવી હતી. તેનાથી અંબાણીની નેટવર્થ 94.78 અબજ ડોલર પહોંચી ગઈ હતી. પરંતુ શુક્રવારે શેર બજારમાં ભારે ઘટાડાના કારણે રિલાયન્સના શેર પર પણ અસર પડી હતી. કંપનીના શેરોમાં 3.30 ટકાનો ઘટાડો થયો. તેનાથી અંબાણીની નેટવર્થમાં 3.68 અરબ ડોલરનો ઘટાડો થયો. તેમ છતાં તે એશિયાના સૌથી મોટા ધનીકના સ્થાન પર છે. આ વર્ષે તેમની નેટવર્થ 14.4 અબજ ડોલર વધી છે.