ફોર્બ્સ લિસ્ટ / Gautam Adani હવે ભારતના સૌથી અમીર વ્યક્તિ, સંપત્તિમાં અંબાણીને પણ પાછળ છોડી દીધા

• ફોર્બ્સની અમીર ભારતીયોની યાદી બહાર પાડવામાં આવી
• Gautam Adani હવે ભારતના સૌથી અમીર વ્યક્તિ
• ગૌતમ અદાણીએ મુકેશ અંબાણીને પછાડીને પ્રથમ સ્થાન મેળવ્યું

ફોર્બ્સની અમીર ભારતીયોની યાદી બહાર પાડવામાં આવી છે અને અપેક્ષા મુજબ ગૌતમ અદાણીએ ભારતના સૌથી ધનિક વ્યક્તિનો તાજ જીતી લીધો છે. ગૌતમ અદાણીએ મુકેશ અંબાણીને પછાડીને પ્રથમ સ્થાન મેળવ્યું છે. યાદીમાં પણ ઘણા ફેરફાર કરવામાં આવ્યા છે. શેરબજારમાં કંપનીના ઉત્કૃષ્ટ લિસ્ટિંગની મદદથી, નાયકાના ચીફ ફાલ્ગુની નાયરે પ્રથમ વખત આ યાદીમાં સ્થાન મેળવ્યું છે. બીજી તરફ, સ્ટોક ક્રેશને કારણે Paytmના વિજય શેખર શર્મા ભારતના ટોપ 100 અમીર લોકોની યાદીમાંથી બહાર થઈ ગયા છે.

અદાણી ગ્રૂપના ચેરમેન ગૌતમ અદાણી શેરોના મજબૂત પ્રદર્શનની મદદથી દેશના સૌથી અમીર વ્યક્તિ બની ગયા છે. ફોર્બ્સની યાદી અનુસાર, ગૌતમ અદાણીની સંપત્તિ લગભગ બમણી થઈને $150 બિલિયન થઈ ગઈ છે.  આ સાથે 2013થી દેશના સૌથી અમીર વ્યક્તિના પદ પર રહેલા મુકેશ અંબાણી $ 88 બિલિયનની સંપત્તિ સાથે વર્ષ 2022માં પાછળ રહી ગયા છે. ગયા વર્ષે તેમની કુલ સંપત્તિ $92.7 બિલિયન હતી. 

ફોર્બ્સની યાદી અનુસાર દેશના 100 સૌથી અમીર લોકોની કુલ સંપત્તિ $600 બિલિયનની નજીક છે અને ગયા વર્ષની સરખામણીમાં તેમાં $25 બિલિયનનો વધારો થયો છે. રાધાકૃષ્ણ દામાણી અને તેમનો પરિવાર $27.6 બિલિયનની નેટવર્થ સાથે ત્રીજા ક્રમે, સાયરસ પૂનાવાલા $21.5 બિલિયનની નેટવર્થ સાથે ચોથા ક્રમે, શિવ નાદર અને તેમનો પરિવાર  $21.4 બિલિયનની નેટવર્થ સાથે પાંચમા ક્રમે, સાવિત્રી જિંદાલ અને તેમનો પરિવાર $16.4 બિલિયનની નેટવર્થ છઠ્ઠા સ્થાને, દિલીપ સંઘવી અને તેમનો પરિવાર 15.5 બિલિયન ડૉલરની નેટવર્થ સાથે સાતમા સ્થાને,  હિન્દુજા બંધુઓ $15.2 બિલિયનની નેટવર્થ સાથે આઠમા સ્થાને,  કુમાર બિરલા 15 બિલિયન ડોલરની નેટવર્થ સાથે 9માં સ્થાને છે અને બજાજ પરિવાર $14 બિલિયનની નેટવર્થ સાથે દસમા સ્થાને છે.