બિઝનેસ / વિશ્વના ધનિકોની સતત સંપત્તિ ઘટાડાની વચ્ચે અદાણી એકમાત્રની વધતા સીધા ચોથા નંબરે, ટૂંક સમયમાં ત્રીજા નંબરે હશે

• ગૌતમ અદાણી હવે વિશ્વના ચોથા સૌથી અમીર વ્યક્તિ
• વોરેન બફેટ અને લેરી પેજને પણ પાછળ છોડી દીધા
• એક દિવસની અંદર સંપત્તિમાં 6 અરબ ડૉલરનો વધારો

ગૌતમ અદાણી (Gautam Adani) હવે માત્ર ભારત અને એશિયાના જ નહીં પરંતુ હવે તેઓ વિશ્વના ચોથા નંબરના સૌથી અમીર વ્યક્તિ બની ગયા છે. તેઓની સંપત્તિ હવે માઈક્રોસોફ્ટના બિલ ગેટ્સ (Bill Gates) જેટલી થઈ ગઈ છે.

વોરેન બફેટ અને લેરી પેજને પણ પાછળ છોડી દીધા

બ્લૂમબર્ગ બિલેનિયર ઈન્ડેક્સ (Bloomberg Billionaires Index)અનુસાર, અદાણી અને બિલ ગેટ્સ બંનેની કુલ સંપત્તિ 125 અરબ ડૉલર થઇ ગઇ છે. તેઓએ હવે વિશ્વના સૌથી અમીર લોકોની યાદીમાં મુકેશ અંબાણી, વોરેન બફેટ અને ગૂગલના સહ-સ્થાપક લેરી પેજ અને Sergey Brinને પણ પાછળ છોડી દીધા છે.

ફોર્બ્સ (Forbes) પર પાંચમા નંબરના સૌથી ધનિક વ્યક્તિ

આ સાથે તમને જણાવી દઇએ કે, ફોર્બ્સના રિયલ ટાઇમ બિલેનિયર ઇન્ડેક્સ અનુસાર, ગૌતમ અદાણી વિશ્વના પાંચમા નંબરના સૌથી અમીર વ્યક્તિ છે. આ યાદીમાં તેઓ બિલ ગેટ્સથી થોડાક જ પાછળ છે. અહીં તેઓની કુલ સંપત્તિ 129 અરબ ડોલર આંકવામાં આવી છે. જ્યારે બિલ ગેટ્સની કુલ સંપત્તિ 129.4 અરબ ડોલર આંકવામાં આવી છે.

એક દિવસની અંદર સંપત્તિમાં 6 અરબ ડૉલરનો વધારો

ગૌતમ અદાણીની સંપત્તિમાં માત્ર એક જ દિવસમાં 6.3 અબજ ડોલરનો વધારો જોવા મળ્યો છે. માત્ર 2022માં જ અદાણીની સંપત્તિમાં 48.3 અરબ ડૉલરનો વધારો થયો છે. 2021ના અંતે ગૌતમ અદાણીની સંપત્તિ 76.7 અરબ ડૉલર હતી. જણાવી દઇએ કે, અદાણી ગ્રુપની કંપનીઓના શેરના ભાવ સતત વધી રહ્યાં છે. ભૂતકાળમાં તેમની બંને કંપની અદાણી પાવર અને અદાણી વિલ્મરના શેરમાં સતત અપર સર્કિટ લાગી રહી છે.

ટૂંક સમયમાં જ તેઓ ત્રીજા નંબરના અમીર થઇ શકે છે

એલન મસ્ક, જેફ બેઝોસ, બર્નાર્ડ આર્નોલ્ટ અને બિલ ગેટ્સ અબજોપતિઓની યાદીમાં અદાણીથી આગળ છે. પરંતુ તે તમામની પ્રોપર્ટીમાં સતત ઘટાડો થઈ રહ્યો છે એટલે કે તેઓ રેડ ઝોનમાં છે. જ્યારે અદાણીની સંપત્તિમાં સતત વધારો થઇ રહ્યો છે અને તેઓ હાલ ગ્રીન ઝોનમાં છે. જો ગૌતમ અદાણી આ જ ગતિએ આગળ વધતા રહેશે તો તેઓ ટૂંક સમયમાં જ વિશ્વના ત્રીજા નંબરના સૌથી અમીર વ્યક્તિ બની જશે.