બ્લૂમબર્ગ બિલિયેનર ઇન્ડેક્સમાં અદાણીની નેટવર્થમાં 91.2 કરોડ ડોલરનો ઘટાડો થયો છે અને તે ઘટીને 118 અબજ ડોલર પર આવી ગઈ છે. વર્ષ 2022માં અદાણીની નેટવર્થમાં 44 અબજ ડોલરનો વધારો થયો હતો.
અદાણીની નેટવર્થમાં 912 મિલિયન ડોલરનો ઘટાડો
2022માં અદાણીની નેટવર્થમાં 44 બિલિયન ડોલરનો વધારો હતો
જાણો બ્લૂમબર્ગ બિલિયેનર ઇન્ડેક્સ રિપોર્ટ
એશિયાના સૌથી અમીર વ્યક્તિત્વ ગૌતમ અદાણી મીડિયાને ઈન્ટરવ્યુ આપ્યા બાદ ખૂબ ચર્ચામાં છે. નવા વર્ષમાં હવે તેમને ઝટકો લાગ્યો છે અને તે વિશ્વના સૌથી અમીર લોકોની યાદીમાં ચોથા નંબરે સરકી ગયા છે.
બ્લૂમબર્ગ બિલિયેનર ઇન્ડેક્સમાં અદાણીની નેટવર્થમાં 91.2 કરોડ ડોલરનો ઘટાડો થયો છે અને તે ઘટીને 118 અબજ ડોલર પર આવી ગઈ છે. વર્ષ 2022માં અદાણીની નેટવર્થમાં 44 અબજ ડોલરનો વધારો થયો હતો. વાર્ષિક આધાર પર અદાણીની નેટવર્થમાં 2.44 અબજ ડોલરનો ઘટાડો થયો છે.
બર્નાર્ડ અરનોલ્ટ પહેલા ક્રમે
એમેઝોનના ફાઉન્ડર જેફ બેઝોસે ધનકુબર્સની યાદીમાં ગૌતમ અદાણીને પાછળ છોડી દીધા છે. જેફ બેઝોસની સંપત્તિ 5.23 અબજ ડોલરના વધારા સાથે 118 અબજ ડોલર પર પહોંચી ગઈ છે.
બ્લૂમબર્ગ દ્વારા જાહેર કરાયેલ વિશ્વના સૌથી ધનિક લોકોની યાદીમાં ફ્રાન્સના ઉદ્યોગપતિ બર્નાર્ડ આર્નોલ્ટ 182 અબજ ડોલર સાથે પ્રથમ ક્રમે છે. વર્ષ 2022માં તેમની સંપત્તિમાં 20 બિલિયન ડોલરનો જબરદસ્ત વધારો થયો છે.
બીજા નંબર પર એલન મસ્ક
ટ્વિટર અને ટેસ્લાના માલિક એલોન મસ્ક 132 અબજ ડોલર સાથે બીજા ક્રમે છે. એલન મસ્ક સંપત્તિના મામલામાં બર્નાર્ડ આર્નોલ્ટથી ઘણા પાછળ છે. એલોન મસ્કની સંપત્તિમાં એક દિવસ અગાઉ 2.78 અબજ ડોલરનો વધારો થયો છે.
પરંતુ આખા વર્ષ દરમિયાન મસ્કની નેટવર્થમાં 4.84 અબજ ડોલરનો ઘટાડો થયો છે. જેફ બેઝોસ 118 અબજ ડોલર સાથે ત્રીજા નંબર પર છે. બુધવારે ગૌતમ અદાણીની સંપત્તિમાં 2.44 અબજ ડોલરનો ઘટાડો થયો અને તેઓ ચોથા નંબરે પહોંચ્યા.
અમેરિકાના મોટા ઈનવેસ્ટર વોરેન બફેટ 111 અબજ ડોલર સાથે આ યાદીમાં પાંચમા, માઇક્રોસોફ્ટના સંસ્થાપક બિલ ગેટ્સ છઠ્ઠા અને લેરી એલિસન 98 અબજ ડોલર સાથે સાતમા સ્થાને છે. આ સિવાય મુકેશ અંબાણી 87.6 અબજ ડોલરની સંપત્તિ સાથે આઠમા નંબર પર છે.