ભારતના ટોચના ઉદ્યોગપતિ અને અદાણી ગ્રુપના ચેરમેન ગૌતમ અદાણીએ દુનિયાના 20 અમીરોની યાદીમાં સ્થાન મેળવી લીધું છે.
ફોર્બ્સે દુનિયાના ટોચના 20 ધનિકોનો બહાર પાડી યાદી
ગૌતમ અદાણી બન્યાં દુનિયાના 20 મા સૌથી મોટા ધનિક
ગૌતમ અદાણીની કુલ નેટવર્થ 61.3 બિલિયન ડોલર
મુકેશ અંબાણીની કુલ નેટવર્થ 76.4 બિલિયન ડોલર
દુનિયાના ટોચના 20 અમીરોની યાદીમાં સ્થાન મેળવનાર ગૌતમ અદાણી બીજા ઉદ્યોગપતિ છે. રિલાયન્સના મુકેશ અંબાણીએ તો પહેલેથી જ દુનિયાના ટોચના અમીરોની યાદીમાં સામેલ છે.
1 દિવસમાં 35 હજાર કરોડ રુપિયાનો વધારો
ફોર્બ્સની યાદી અનુસાર, 6 એપ્રિલ 2021 સુધી ગૌતમ અદાણીની કુલ નેટવર્થ 61.3 બિલિયન ડોલર થઈ છે. ગૌતમ અદાણીની આવકમાં એક દિવસમાં 35 હજાર કરોડ રુપિયાનો વધારો થયો છે. છેલ્લા એક વર્ષમાં તેમના નેટવર્થમાં ઘણો મોટો ઉછાળો આવ્યો છે. 2020 માં તેમની નેટવર્થ 16.2 અબજ ડોલર હતી જે હવે 59.9 અબજ ડોલર થઈ ચુકી છે. અદાણીની છ લિસ્ટેડ કંપનીઓની નેટવર્થ 79 અબજ ડોલર રછે. તેઓ રિલાયન્સ ઈન્ડસ્ટ્રીઝના ચેરમેન મુકેશ અંબાણી પછી ભારતના બીજા મોટા ધનિક છે.
ભારતના બે ઉદ્યોગપતિ દુનિયાના ટોચના 20 અમીરોની યાદીમાં
દુનિયાના ટોચના 20 ધનિકોની યાદીમાં રિલાયન્સ ઈન્ડ.લિમિટેડના ચેરમેન મુકેશ અંબાણી 12 મા સ્થાને છે. અંબાણીની કુલ નેટવર્થ 76.4 બિલિયન ડોલર એટલે કે લગભગ 5.60 લાખ કરોડ છે. છેલ્લા ચોવીસ કલાકમાં મુકેશ અંબાણીની નેટવર્થમાં 1.9 બિલિયન ડોલર એટલે કે 13 હજાર કરોડ રુપિયાનો ઘટાડો થયો છે. અંબાણી પછી અદાણી ટોચના ધનકૂબેરોની યાદીમાં 20 મા સ્થાને આવ્યાં છે.
40 ટકા વધી ચૂક્યા છે આ કંપનીના શેર
ગૌતમ અદાણીની કંપની અદાણી ટોટલ ગેસના શેર છેલ્લા 6 કામકાજી દિવસોમાં લગભગ 40 ટકા વધી ચૂક્યા છે. મંગળવારે 4 ટકાની તેજી સાથે 1211.35 રુપિયા ટ્રેડ કરી રહ્યાં હતા. કંપનીનું માર્કેટ કેપ 1.33 લાખ કરોડ હતું.
જેફ બેજોસ અને એલન મસ્કને પણ પછાડી ચૂક્યા છે ગૌતમ અદાણી
આ વર્ષએ કમાણીના મામલે ગૌતમ અદાણીએ દુનિયાના ટોચના ધનિક જેફ બેજોસ અને એલન મસ્કને પણ પાછળ રાખી દીધા હતા.2020 મા ગૌતમ અદાણીની નેટવર્થમાં સૌથી મોટો વધારો થયો છે. 2020 માં તેમની નેટવર્થ 16.2 બિલિયન ડોલર વધીને 59.9 બિલિયન ડોલર પર પહોંચી ગઈ છે.