વિશ્વમાં વાગ્યો ડંકો / અદાણીની કમાણી બેજોસ, બર્નાર્ડ, મસ્ક ત્રણેયની ભેગી કરો તેના કરતાય વધારે, 10 વર્ષમાં 1830 ટકા વધી

• ભારતીય બિઝનેસમેનની મોટી સફળતા
• વિશ્વના ટોચના અબજોપતિઓ કરતા પણ વધી કમાણી
• એશિયાના બીજા નંબરના સૌથી ધનવાન વ્યક્તિ

એશિયાના બીજા સૌથી ધનવાન વ્યક્તિ ગૌતમ અદાણીએ વર્ષ 2021માં પોતાની સંપત્તિમાં 49 બિલિયન અમેરિકી ડોલરનો વધારો કર્યો છે. ગૌતમ અદાણીની આ કમાણી દુનિયાના ટોપ થ્રી અબજોપતિ એલન મસ્ક, જેફ બેજોસ અને બર્નાર્ડ અરનોલ્ડની વર્ષ 2021માં કરવામાં આવેલી કુલ કમાણીને જોડવાથી પણ વધારે છે. 2022માં એમ 3 એમ હુરુન ગ્લોબલ રિચ લિસ્ટે બુધવારે આ પ્રકારની જાણકારી આપી હતી.

જોઈ લો આ યાદીમાં કોણ ક્યા નંબર પર છે

જો કે, રિલાયંસ ઈંડસ્ટ્રીઝના માલિક મુકેશ અંબાણી 103 બિલિયન અમેરિકી ડોલરની સંપત્તિ સાથે સૌથી વધારે અમીર ભારતીયો બન્યા છે. જ્યારે પોર્ટ ટૂ એનર્જી ગ્રુપ અદાણી ગ્રુપના પ્રમુખ ગૌતમ અદાણી બીજા નંબર પર છે. તેમની સંપત્તિ 153 ટકા વધીને 81 અબજ ડોલર થઈ ગઈ છે. યાદીમાં કહેવાયુ છે કે, છેલ્લા 10 વર્ષોમાં જ્યાં અંબાણીની સંપત્તિ 400 ટકા વધી છે, તો વળી અદાણીની સંપત્તિમાં 1830 ટકાનો વધારો થયો છે . આ બાજૂ એચસીએલના શિવ નાદર 28 બિલિયન અમેરિકી ડોલરની સંપત્તિ સાથે ત્રીજા સ્થાન પર છે. ત્યાર બાદ સીરમ ઈંસ્ટીટ્યૂટના સાઈરસ પૂનાવાલા (26 બિલિયન અમેરિકી ડોલર) અને સ્ટીલ મેગ્નેટ લક્ષ્મી એન મિત્તલ (25 બિલિયન અમેરિકી ડોલર) છે. 

સૌથી વધુ ગ્રોથ કરનારા બિઝનેસ મેન બન્યા ગૌતમ અદાણી

એમ3એમ હુરૂન ગ્લોબલ રિચ લિસ્ટે એક નિવેદનમાં કહ્યું છે કે, 59 વર્ષિય ગૌતમ અદાણી એમ3એમ હુરૂન ગ્લોબલ રિચ લિસ્ટ 2022માં સૌથી વધારે લાભ મેળવનારા બિઝનેસમેન છે અને તેમને ગત વર્ષે પોતાની સંપત્તિમાં 49 અબજ ડોલર જોડ્યા છે. તેમની કુલ સંપત્તિમાં વૃદ્ધિ એલન મસ્ક, જેફ બેજોસ અને બર્નાર્ડ અરનોલ્ડ જેવા ટોચના ત્રણ વૈશ્વિક અબજોપતિઓથી પણ વધારે છે. તો વળી મુકેશ અંબાણીની સંપત્તિ 2021માં 20 બિલિયન અમેરિકી ડોલર વધી. 2022માં એમ3એમ હુરૂન ગ્લોબલ રિચ લિસ્ટમાં 2557 કંપનીઓ અને 69 દેશોના 3381 અબજોપતિઓનો ઉલ્લેખ કરવામાં આવ્યો છે. 

ગુજરાતીઓનો તો અલગ જ દબદબો: ટોપ 10 માંથી 4 ગુજરાતી 

ગુજરાતના લોકો પોતાના બિઝનેસની આવડતના કારણે પહેલેથી દેશ અને દુનિયાભરમાં જાણીતા છે ત્યારે આજે ભારતના સૌથી વધુ ટોપ ધનીકોમાં સૌથી વધુ ગુજરાતી છે જેમાંય પહેલા અને બીજા નંબર પર અંબાણી અને અદાણી ગુજરાતી છે. આ સાથે સાથે દિલીપ સંઘવી અને ઉદય કોટક પણ ગુજરાતી છે જે ભારતના ટોપ-10 અમીરોની યાદીમાં નવમા અને દસમા ક્રમે આવે છે. હુરૂન M3M ગ્લોબલ રીચ લિસ્ટ મુજબ ભારતના ટોચના 10 અમીરોમાંથી 4 ગુજરાતીઓ છે.