ગૌતમ અદાણીના 'અચ્છે દિન' ફરીથી પાછા આવી ગયા છે. અદાણીના શેરમાં તેજીની અસર તેની નેટવર્થ પર પણ જોવા મળી રહી છે. ફોર્બ્સ બિલિનિયર ઈન્ડેક્સમાં ગૌતમ અદાણી સતત ટોપ પર છે. એક દિવસમાં સૌથી વધારે કમાણી કરવામાં ગૌતમ અદાણી સતત પહેલા નંબર પર છે.
ફોર્બ્સ બિલિનિયર ઈન્ડેક્સમાં ગૌતમ અદાણી સતત ટોપ પર
સૌથી વધારે કમાણી કરવામાં અદાણી સતત પહેલા નંબર પર
બે જ કલાકમાં સપાટો બોલાવી દીધો
હિંડનબર્ગના હુમલા બાદ ખરાબ સમયમાંથી પસાર થયા બાદ હવે અદાણી ગ્રુપ હવે બહાર આવી રહ્યું છે. અદાણી ગ્રુપની કંપનીઓના શેરમાં તાબડતોબ તેજી જોવા મળી રહી છે. અદાણીના શેર છેલ્લા 4 દિવસમાં રોકેટ બની ગયા છે. શેરોમાં રિકવરી બાદ અદાણીનું માર્કેટ કેપ 1 લાખ કરોડ રૂપિયા ચડી ગયું છે. ત્યાં જ ગૌતમ અદાણીની સંપત્તિ પણ ઝડપથી વધી રહી છે.
પાછલા થોડા દિવસોમાં ગૌતમ અદાણીની સંપત્તિમાં 11 અરબ ડોલરનો વધારો થયો છે. ગૌતમ અદાણીની નેટવર્થ હિંડનબર્ગના હુમલા બાદ 31 અરબ ડોલર સુધી ઘટી ગઈ હતી. જે હવે ધીરે ધીરે વધવા લાગી છે. ગૌતમ અદાણી છેલ્લા બે દિવસથી ફોર્બ્સના રિયલ ટાઈમ બિલિયેનરની લિસ્ટમાં આજના વિનર અને લુઝરની લિસ્ટમાં સૌથી ઉપર છે.
આ લિસ્ટમાં નંબર 1
શુક્રવાર, 3 માર્ચે ગૌતમ અદાણી ફોર્બ્સના રિયલ ટાઈમ બિલિયેનર ઈન્ડેક્સમાં સૌથી વધારે સંપત્તિ કમાવનારની લિસ્ટમાં ટોપ પર છે. તેના પહેલા 2 માર્ચે પણ તે ટોપ ગેનર રહ્યા હતા. 2 માર્ચ અને ત્રણ માર્ચે પણ ગૌતમ અદાણીની કમાણી કરનાર લિસ્ટમાં સૌથી ઉપર રહ્યા છે.
2 માર્ચ અને ત્રણ માર્ચે પણ ગૌતમ અદાણી કમાણી કરનારની લિસ્ટમાં સૌથી ઉપર રહ્યા છે. આજે તેમણે બજાર ખુલવાના બે કલાકની અંદર જ 4.8 અબજ ડોલર એટલે લગભગ 3,94,76,40,00,000 રૂપિયા કમાણી કરી લીધી છે.
અમીરોની લિસ્ટમાં ઉપર ચડી રહ્યા છે અદાણી
ગૌતમ અદાણી ફોર્બ્સ બિલિયેનરની લિસ્ટમાં સતત છલાંગ લગાવી રહ્યા છે. ત્રણ દિવસમાં તે 37માં નંબરથી ચડીને 26 નંબર પર પહોંચી ગયા છે. તેમણે ત્રણ વ્યાપારી દિવસોમાં લગભગ 11 અબજ ડોલરની કમાણી કરી લીધી છે.
જોકે તેમણે પોતાની પોઝિશન મેળવવા માટે લાંબી લડાઈ લડી છે. અદાણીના શેરોમાં તેજીના કારણે કંપનીનું માર્કેટ કેપ એક દિવસમાં 1 લાખ કરોડ ઉછળી ગયું છે. તમને જણાવી દઈએ કે અમેરિકી ફર્મ QGQએ અદાણી ગ્રુપની 4 કંપનીઓના 17 કરોડથી વધારે શેરને ખરીદ્યા છે.
તેના માટે કંપનીએ 15449 કરોડ રૂપિયાનું રોકાણ કર્યું છે. આ ખબર બાદ બજાર ખુલવાના ફક્ત 30 મિનિટમાં અદાણી ગ્રિપના માર્કેટ કેપમાં લગભગ 53 હજાર કરોડ રૂપિયાનો ઉછાળ આવ્યો છે.