બોલીવુડ કિંગ ખાન એટલે કે શાહરૂખ ખાનની પત્ની ગૌરી ખાન પણ હાલ ચર્ચામાં છવાયેલી રહે છે. તાજેતરમાં એને મીડિયા સાથે વાત કરતાં શાહરૂખ ખાન અને પોતાના સંબંધને લઇને ઘણી વાતો કરી, એ દરમિયાન ગૌરી ખાને શાહરૂખ ખાનની સાથે પોતાના સંબંધને લઇને ઘણા ખુલાસા પણ કર્યા છે, જેની ખૂબ ચર્ચા થઇ રહી છે.
તાજેતરમાં જ ગૌરી એક પુસ્તક લોન્ચિંગમાં અમૃતા ફડનવીસની સાથે પહોંચી. અહીંયા એને મીડિયા સાથે ખૂબ વાતો કરતાં શાહરૂખની સાથે પોતાના સંબંધને લઇને ખુલાસા કર્યા. એને કહ્યું, 'શાહરૂખ ખાન સારો પિતા અને પતિ છે. હં એવું કહેવા ઇચ્છીશ કે એની પત્ની હોવું મારા માટે ખૂબ જ સકારાત્મક વાત જેવું છે અને હું કોઇ પણ નકારાત્મક વાત હાલ કરવા ઇચ્છતી નથી. મને લાગે છે કે હું બાકીની વર્કિંગ વુમનની જેમ એક સાધારણ લાઇફ જીવી રહી છું.'
ગૌરી ખાને આગળ કહ્યું, 'મને લાગે છે શાહરૂખ ખાનના કારણે અહીંયા ખૂબ સકારાત્મક વાતો છે અને હું માત્ર એવી જ વાતો પર ધ્યાન આપું છું, જો કોઇ નકારાત્મક વાત હોય છે તો એને હું દૂર રાખવાનું પસંદ કરું છું.'
તાજેતરમાં જ શાહરૂખ ખાને સોશિયલ મીડિયા દ્વારા પુત્રી સુહાનાની ગ્રેજ્યુએટ થવાની જાણકારી આપી, ત્યારબાદ બોલીવુડના ઘણા સ્ટાર્સે એને શુભેચ્છા પાઠવી. શાહરૂખે ટ્વિટર પર સુહાના સાથે પોતાનો ફોટો શેર કરતા લખ્યું 'ભલે સ્કૂલ ખતમ થઇ ગઇ હોય પરંતુ લાઇફમાં ભણતર ક્યારેય પણ ખતમ થવું જોઇએ નહીં. હંમેશા કંઇકને કંઇક શીખતા રહેવું જોઇએ. '