અભિનેતા શાહરૂખ ખાન અને તેની પત્ની ગૌરી ખાનની જોડી ઈન્ડસ્ટ્રીની મોસ્ટ પોપ્યુલર જોડીમાંથી એક છે. બંનેની કેમેસ્ટ્રી અને બોન્ડિંગ ફેન્સને ખૂબ જ પસંદ આવે છે.શાહરૂખ અને ગૌરી કપલ્સ ગોલ આપે છે. બંને સોશિયલ મીડિયા પર એકબીજાની પ્રશંસા કરતા જોવા મળે છે અને ક્યારેક મસ્તી પણ કરતાં હોય છે. ત્યારે હવે શાહરૂખની આવી જ એક ટ્વિટ સોશિયલ મીડિયા પર ખૂબ જ વાયરલ થઈ રહી છે.
શાહરૂખની એક ટ્વિટ સોશિયલ મીડિયા પર ખૂબ જ વાયરલ થઈ રહી છે
પત્ની ગૌરી ખાનને એવોર્ડ મળતા શાહરૂખે કહી નાખી આ વાત
હકીકતમાં ગૌરી ખાને ટ્રોફી સાથેનો એક ફોટો શેર કર્યો અને લખ્યું-AD100ના લિસ્ટનો હિસ્સો બનીને અને આ ટ્રોફી મેળવીને મને ખુશી છે. આભાર. #AD100 #ADIndia #gaurikhandesigns #gkd. જેને શેર કરતા શાહરૂખ ખાને લખ્યું – ચલો ઘરમાં કોઈને તો એવોર્ડ મળી રહ્યો છે. શાહરૂખે આ રીતે મસ્તીભર્યા અંદાજ પત્નીની પ્રસંશા કરતા તેની આ ટ્વિટ ખૂબ જ વાયરલ થઈ રહી છે. તમને જણાવી દઈએ કે, ગૌરી ખાન એક લોકપ્રિય ઇન્ટિરિયર ડિઝાઇનર છે. તેની તેને આ એવોર્ડ પણ તેના અલગ અલગ ક્રિએશન માટે જ મળ્યો છે.
જો શાહરૂખ ખાનની વાત કરીએ તો શાહરૂખ ખાન 2018 પછી સ્ક્રીન પર જોવા મળ્યો નથી. તે છેલ્લે ફિલ્મ ઝીરોમાં જોવા મળ્યો હતો. આ ફિલ્મનું દિગ્દર્શન આનંદ એલ રાયે કર્યું હતું. આ ફિલ્મમાં અનુષ્કા શર્મા અને કેટરીના કૈફ પણ મુખ્ય ભૂમિકામાં જોવા મળ્યા હતા. ફિલ્મની જોરદાર ચર્ચા થઈ, પણ મૂવીને સારો રિસ્પોન્સ મળ્યો નહીં. ફેન્સને આ ફિલ્મ પસંદ ન આવી અને ત્યારથી શાહરૂખ હજી સુધી સ્ક્રીન પર દેખાયો નથી.
ઉલ્લેખનીય છે કે, લાંબા સમયથી શાહરૂખને કોઈ એવોર્ડ પણ મળ્યો નથી. જોકે, તેણે ઘણી ફિલ્મો પ્રોડ્યૂસ કરી છે. હવે એવા સમાચાર છે કે, શાહરૂખ ફિલ્મ પઠાણમાં જોવા મળશે. જેની જબરદસ્ત ચર્ચા છે.