બિગ બોસ-14માં સિનિયર બનીને ખળભળાટ મચાવનાર ગૌહર ખાન હાલમાં જૈદ દરબાર સાથે તેના સંબંધોને લઇને ચર્ચામાં છે. ઘણા સમયથી એવી વાતો થઇ રહી છે કે જૈદ અને ગૌહર ડિસેમ્બરમાં લગ્ન કરવાના છે. ત્યારે હાલમાં જ ગૌહરે તેના ફેન્સને સરપ્રાઇઝ આપી છે અને જૈદ સાથે સગાઇ કરવાની છે તે વાત શૅર કરી છે.
મહત્વનું છે કે, જૈદ મ્યુઝિક કમ્પોઝર ઇસ્માઇલ દરબારના દિકરા છે. જૈદ કોરિયોગ્રાફર અને ઇન્ફ્લુએન્સર છે. હાલમાં જ બંનેએ પોતાની તસવીરો શૅર કરી છે અને તેમાં ગૌહરે લખ્યુ છે કે તેણે લગ્ન માટે હા પાડી છે. સાથે જ તેણે કેપ્શનમાં સગાઇની રિંગવાળુ ઇમોજી પણ શૅર કર્યુ છે.
ગૌહરે ઇન્સ્ટા પર આ જાહેરાત કરી બાદમાં ફેન્સ અને ઇન્ડસ્ટ્રીના મિત્રો ખુશ થઇ ગયા હતા અને તેને શુભકામનાઓ પણ પાઠવી હતી. ગૌહરનું નામ આ પહેલા પણ ઘણા લોકો સાથે ચર્ચાઇ ચુક્યુ છે. જેમાં સૌથી ફેમસ નામ હતું કુશલ ટંડનનું કે જેની સાથે ગૌહરની સિરીયસ રિલેશનશીપ છે તેવું બહાર આવ્યું હતુ.
ડિસેમ્બરમાં કરશે લગ્ન
સુત્રોના કહ્યાં મુજબ ગૌહર ખાન આ ડિસેમ્બરમાં 24 તારીખે જૈદ સાથે લગ્ન કરવાની છે. બંનેના લગ્ન મુંબઇમાં જ થશે અને કોરોનાના કારણે પ્રાઇવેટ સેરેમનીમાં જ કરશે. બંને પરિવાર હાલ લગ્નની તૈયારીઓમાં વ્યસ્ત છે. ગૌહરની બહેન નિગાર ખાન અને અન્ય પરિવારજનો થોડા સમયમાં જ દુબઇથી ઇન્ડિયા આવશે.