દુર્ઘટના / બદલાપુર MIDCમાં ફેક્ટ્રીમાંથી ગેસ લીક, અનેક લોકોની તબિયત ખરાબ થઈ

•  એમઆઈડીસી વિસ્તારમાં કેમિકલ ગેસ લીક
•  સ્થાનીક લોકોને શ્વાસ લેવામાં સમસ્યા આવી હતી
• ઘટનામાં કોઈ ઘાયલ નથી થયુ

મહારાષ્ટ્ર સ્થિત  બદલાપુર એમઆઈડીસી વિસ્તારમાં કેમિકલ ગેસ લીક થવાથી સ્થાનીક લોકોને શ્વાસ લેવામાં સમસ્યા આવી હતી. એટલું જ નહીં કેટલાક લોકોને ઉલ્ટી અને ગભરામણ થઈ હતી. સૂચના મળતા જ ફાયરની ગાડી સ્થળ પર પહોંચી ગઈ હતી અને વિસ્તારનું નિરિક્ષણ કર્યુ હતુ. મળતી જાણકારી અનુસાર ગેસ લીક MIDC વિસ્તારના નોબલ ઈન્ટર મીડિયા પ્રાઈવેટ લિમિટેડમાંથી થયો હતો.

 તાપમાનને નિયંત્રિત કરવામાં ભૂલ થવાના કારણે રિએક્ટર હવામાં ફેલાયો

કંપની એક રિએક્ટરમાં કાચા તેલ માટે 2 રસાયણો સેલ્ફ્યૂરિક એસિડ અને બેંજીન ડિહાઈડ્રેટને ભેળવે છે. જો કે જરુરી તાપમાનને નિયંત્રિત કરવામાં ભૂલ થવાના કારણે રિએક્ટર હવામાં ફેલાયો હતો. જણાવવામાં આવ્યુ કે ગેસ ઝેરી નહોંતો પરંતુ લીક થવાથી શ્વાસ લેવામાં મુશ્કેલી થાય છે.  તેનાથી શરીરની ચામડી અને આંખોને નુકસાન પહોંચી શકે છે. બદલાપુર ફાયર અધિકારી ભાગવત સોનોને કહ્યુ કે સ્થિતિ નિયંત્રણમાં છે અને લોકોને ગભરાવાની જરુર નથી.

ઘટનામાં કોઈ ઘાયલ નથી થયુ

એક તરફ ગેસ લીકના સમાચાર મળતા લોકો ગભરાઈ ગયા અને ભાગ દોડ મચી ગઈ. લોકોને પોલીસ અને ફાયરને જ્યારે જણાવ્યું કે ગેસ ઝેરી નથી ત્યારે જઈને લોકોના જીવમાં જીવ આવ્યો હતો. જે બાદ લોકો પોત પોતાના ઘરે પાછા ફર્યા હતા. જણાવવામાં આવ્યુ કે લગભગ 3 કિમીના ઘેરામાં આ ગેસ લીક થયાની અસર પડી છે. આ દરમિયાન અનેક લોકોની તબિયત ખરાબ થઈ. થાણા નગર નિગમે એક નિવેદનમાં કહ્યુ કે બદલાપુરમાં ગુરુવારે રાતે લગભગ 10.22 વાગે એક ફેક્ટ્રીમાં ગેસ લીક થયાની સૂચના મળી હતી. વિસ્તારમાં લોકોને શ્વાસ લેવામાં સમસ્યા થઈ રહી હતી. રાતે 11.24 વાગે ફાયર વિભાગે ગેસ લીકેઝને રોક્યુ અને સ્થિત પર કાબુ મેળવ્યો હતો. ઘટનામાં કોઈ ઘાયલ નથી થયું.