પશ્ચિમ બંગાળના 24 પરગણા વિસ્તારમાં આવેલી એક કોલ્ડ ડ્રિંક બનાવતી કંપનીમાં એમોનિયા ગેસનું ગળતર થતા અફરાતફરી મચી હતી.
બંગાળના 24 પરગણામાં આવેલી કોલ્ડ ડ્રિંક કંપનીમાં ગેસ ગળતર
ઘણા લોકો પડ્યા બીમાર
ગેસ ગળતરને પગલે વિસ્તારમાં ફેલાઈ અફરાતફરી
પશ્ચિમ બંગાળના નરેન્દ્રપુર સ્થિત ફેક્ટરીમાં સોમવારે ગેસ લિકેજ થયો છે. તીવ્ર ગૂંગળામણની ગંધ આપતો આ ગેસ આસપાસના વિસ્તારોમાં પણ પ્રસરવા લાગ્યો છે. ગેસ લીકેજને કાબુમાં લેવા ફાયર ફાઈટરને ઘટનાસ્થળે મોકલાયા હતા. આ ઘટનામાં ફાયર ફાઈટર વિભાગના બે કર્મીઓ બીમાર પડ્યાં હતા.
पश्चिम बंगाल: दक्षिण 24 परगना ज़िले के नरेंद्रपुर में एक कोल्ड ड्रिंक संयंत्र में गैस रिसाव हुआ। pic.twitter.com/BC7F6qDISG
ઘણા લોકો બીમાર પડ્યાં હોવાનો દાવો
એમોનિયા ગેસ લીક થયો હોવાનું કહેવાય છે. ગેસ ગળતરની ઘટના સાંજે ચાર વાગ્યાની આસપાસ બની હતી. સ્થાનિક રહેવાસીઓનો દાવો છે કે ગેસ લીકેજની ચપેટમાં આવતા કેટલાક લોકો બીમાર પણ પડ્યા છે. નરેન્દ્રપુર પોલીસ સ્ટેશન ઘટના સ્થળે છે. તેમજ ફેક્ટરી પાસે અનેક એમ્બ્યુલન્સ ઉભી રાખવામાં આવી છે. અધિકારીઓ ગેસ ગળતરને કાબૂમાં લેવા માટે તમામ જરૂરી પગલાં લઈ રહ્યા છે. મીડિયા રિપોર્ટ્સ અનુસાર ઓછામાં ઓછા 4થી 5 લોકો બીમાર પડ્યા છે અને તેમને હોસ્પિટલમાં દાખલ કરવામાં આવ્યા છે.
મજૂરોને ફેક્ટરીમાંથી બહાર કાઢવામાં આવ્યાં
ગેસ ગળતરને કારણે થતી મોટી જાનહાની ટાળવા માટે તમામ મજૂરોને ફેક્ટરીમાંથી બહાર કાઢી લેવામાં આવ્યાં હતા તથા ફાયર ટેન્ડર દ્વારા પાણીનો છંટકાવ શરુ કરી દેવાયો હતો.
West Bengal | Gas leak at a cold drink plant in Narendrapur in South 24 Parganas district pic.twitter.com/kh6nOsYF2u
એમોનિયા ગેસ શ્વાસમાં જાય તો શું થઈ શકે
એમોનિયા ગેસ ઝેરી છે અને તે ફેફસાને નુકશાન પહોંચાડી શકે છે. તે ઉપરાંત તે ચામડી અને આંખોને પણ ગંભીર નુકશાન કરી શકે છે.