નેશનલ / ગેસ સિલિન્ડરના ભાવ વધશે! ગૃહિણીઓના બજેટ પર ઈરાન-ઈઝરાયલ યુદ્ધની અસર

ઈરાન અને ઇઝરાયલ વચ્ચે ચાલી રહેલા યુદ્ધને કારણે ભારતમાં તણાવ વધ્યો છે. ભારતમાં 3 માંથી 2 ઘરેલુ ગેસ સિલિન્ડર પૂર્વ એશિયામાંથી આવે છે. આ ક્ષેત્રમાં વધતા તણાવથી LPG ના પુરવઠા પર અસર પડી શકે છે. અને તેનું નુકસાન સૌથી પહેલા ભારતીયો ભોગવી શકે છે.

ઈરાનના પરમાણુ સ્થળો પર હુમલો કરીને, અમેરિકાએ વિશ્વના સૌથી મોટા તેલ ઉત્પાદક ક્ષેત્રમાંથી પુરવઠામાં વિક્ષેપ અંગે ચિંતા વ્યક્ત કરી છે. આવી સ્થિતિમાં, LPG ના પુરવઠા પર અસરને કારણે ભારતને નુકસાન સહન કરવું પડી શકે છે.

ભારત કેટલું LPG આયાત કરે છે?

છેલ્લા 10 વર્ષમાં ભારતમાં LPG ગેસનો ઉપયોગ 2 ગણો વધ્યો છે. ઇકોનોમિક્સ ટાઇમ્સના એક અહેવાલ મુજબ, ભારતમાં લગભગ 33 કરોડ ઘરો LPGનો ઉપયોગ કરે છે. ઉપયોગમાં વધારાને કારણે, તેને અન્ય દેશોમાંથી આયાત કરવું પડે છે. ભારત 66% LPG આયાત કરે છે. સાઉદી અરેબિયા 95% સાથે આનો સૌથી મોટો આયાતકાર છે. આ પછી, UAE અને કતારથી LPG આયાત કરીએ છીએ.

દેશમાં ફક્ત 16 દિવસના વપરાશ માટે LPG નો જથ્થો છે. એટલે કે, જો પશ્ચિમ એશિયામાંથી LPGની આયાત પર અસર પડે છે, તો આપણી પાસે ફક્ત 16 દિવસનો ગેસ બચશે. જોકે, પેટ્રોલ અને ડીઝલના કિસ્સામાં આપણી સ્થિતિ સારી છે. ભારત બંનેની નિકાસ કરે છે. જો જરૂર પડે તો, પેટ્રોલ અને ડીઝલની નિકાસ પર પ્રતિબંધ મૂકીને સ્થાનિક બજારની માંગ પૂરી કરી શકાય છે.

જો મધ્ય પૂર્વમાંથી LPG પુરવઠો પ્રભાવિત થાય છે તો બીજા કયા વિકલ્પો છે?

જો મધ્ય પૂર્વના દેશોમાંથી થતી આયાત પર અસર પડે છે, તો ભારત પાસે LPG માટે અમેરિકા, યુરોપ, મલેશિયા અથવા આફ્રિકા જેવા વિકલ્પો છે. જોકે, તેના શિપમેન્ટમાં ઘણો સમય લાગે છે. આ દેશોમાંથી LPG આયાત કરવી મોંઘી પડી શકે છે.

વધુ વાંચો : અનહદ બેશરમી! બારી બંધ કર્યાં વગર જયપુરની હોટલમાં કપલ સેક્સમાં ભયાનક બન્યું, કલ્પના પણ નહીં આવે

કેટલા ઘરોમાં LPG છે અને કેટલામાં PNG છે?

હાલમાં ભારતમાં ૩૩ કરોડ ઘરોમાં LPG સિલિન્ડરનો ઉપયોગ થાય છે. હાલમાં, આ ઘરોમાં પાઇપ દ્વારા કુદરતી ગેસ ઉપલબ્ધ નથી. PNG ફક્ત 1.5 કરોડ ઘરોમાં ઉપલબ્ધ છે. આવી સ્થિતિમાં, LPG ના પુરવઠામાં વિક્ષેપને કારણે, વીજળીથી રસોઈ બનાવવી એ એકમાત્ર વિકલ્પ બચ્યો છે. કારણ કે કેરોસીનનો પુરવઠો બંધ થઈ ગયો છે.

તેલ કંપનીઓ ખરીદી નથી કરી રહી?

મધ્ય પૂર્વમાં સંઘર્ષ હોવા છતાં, તેલ કંપનીઓ ખરીદી રહી નથી. તેમને લાગે છે કે પુરવઠામાં વિક્ષેપનું જોખમ ખૂબ ઓછું છે. ભારતનો ક્રૂડ ઓઇલ સ્ટોક 25 દિવસનો છે.

એક સૂત્રએ જણાવ્યું હતું કે, "જો આપણે અત્યારે LPG કે ક્રૂડ ઓઇલનો ઓર્ડર આપીએ તો પણ ડિલિવરીમાં એક મહિનો લાગશે. અમારી પાસે મર્યાદિત સ્ટોરેજ ક્ષમતા છે. તેલના ભાવમાં વધારો કામચલાઉ રહેશે કારણ કે વૈશ્વિક બજારમાં ભાવ ઝડપથી સ્થિર થાય છે. પેટ્રોલ અને ડીઝલના ભાવ છેલ્લા ત્રણ વર્ષથી સ્થિર રહ્યા છે. હાલમાં આમાં કોઈ ફેરફાર થવાની શક્યતા ઓછી છે. અમે સાવધ છીએ અને સ્થાનિક ગ્રાહકોની જરૂરિયાતોને પ્રાથમિકતા આપી રહ્યા છીએ."

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ