કામની વાત / ખુશખબર : એડ્રેસ પ્રૂફ વગર ખરીદી શકાશે ગેસ સિલિન્ડર, જાણો કેવી રીતે

• ગેસ સિલિન્ડર માટે એડ્રેસ પ્રુફ જરૂરી નહી
• એડ્રેસ પ્રૂફ વગર ખરીદી શકાશે સિલિન્ડર 
• 5 વર્ષમાં પરત કરવા પર 50% પૈસા પાછા

થોડા સમય પહેલા આ નિયમ હતો કે જે વ્યક્તિઓ પાસે એડ્રેસ પ્રૂફ નથી તેવા લોકો ગેસ સિલિન્ડર ન લઇ શકે પરંતુ દેશની સરકારી તેલ કંપની ઇન્ડિયન ઓઇલ કોરપોરેશને સામાન્ય માણસોને રાહત આપતા મહત્વનો નિર્ણય લીધો છે. 

આ રીતે ખરીદી શકશો સિલિન્ડર 
ગ્રાહક પોતાના શહેર કે વિસ્તાર પાસે ઇંડેન ગેસ ડિસ્ટ્રીબ્યૂટર કે પોઇન્ટ ઓફ સેલ પર જઇને 5 કિલોનો રસોઇ ગેસ સિલિન્ડર ખરીદી શકે છે. તેના માટે તમારે કોઇ પણ ડૉક્યુમેન્ટ આપવાની જરૂર નથી. તમે પૈસા ચૂકવીને ગેસ સિલિન્ડર ઘરે લઇ જઇ શકશો. ઇંડેનનો 5 કિલોનો સિલિન્ડર સેલિંગ પોઇન્ટથી ભરાવી શકાય છે. આ સિલિન્ડર BIS પ્રમાણિત હોય છે. 

કેવી રીતે પરત કરી શકાય સિલિન્ડર 
જો તમે શહેર છોડીને જઇ રહ્યાં છો અથવા કોઇ કારણથી સિલિન્ડર પરત કરવો પડી રહ્યો છે તો 5 વર્ષમાં પરત કરવા પર તેની 50 ટકા કિંમત તમને પાછી મળી જશે. 5 વર્ષ બાદ જો તમે પરત કરશો તો 100 રૂપિયા પરત મળી જશે. 

ઘરે બેઠા કરો બૂક 
તમે એજન્સીથી ખરીદવા અથવા રિફીલ માટે બૂક કરી શકો છો. બૂક કરવા માટે ખુબ આસાન રીત છે. ઇન્ડેને તેના માટે ખાસ નંબર આપ્યો છે. 8454955555 આ નંબર પર મિસ કોલ કરવાથી દેશના કોઇ પણ ખુણે તમને સિલિન્ડર મળી જશે. તમે ઇચ્છો તો વૉટ્સઍપ પણ કરી શકો છો. રિફીલ ટાઇપ કરીને 7588888824 નંબર પર મેસેજ કરી દો તો તમારો ગેસ સિલિન્ડર બૂક થઇ જશે.