સુરત / ડીંડોલી વિસ્તારમાં ગેસ સીલીન્ડર બ્લાસ્ટ,એક જ પરિવારના સાત વ્યક્તિ દાઝી ગયા,તમામ સારવાર હેઠળ

• સુરતના ડીંડોલીમાં ગેસ સીલીન્ડર બ્લાસ્ટ 
• એક જ પરિવારના સાત વ્યક્તિ દાઝી ગયા 
• તમામને 108 મારફતે પહોચાડ્યા સિવિલ હોસ્પિ. 

સુરતના ડીંડોલી વિસ્તારમાં  ગેસ લીકેજને કારણે સિલિન્ડરમાં બ્લાસ્ટમાં એક જ પરિવારના 7 વ્યક્તિઓ દાઝી જતા અરેરાટી પ્રસરી હતી. કહેવાય છે કે, ગેસની સગડી પેટાવવા જતા થયેલા આ બ્લાસ્ટમાં  બે કિશોર, એક યુવક, એક વૃદ્ધ, અને મહિલા સહિત 7 વ્યક્તિ  ગંભીર રીતે દાઝી હતી. ઘટના બાદ સ્થાનિકોએ 108ને ફોન કરી તમામને તાત્કાલિક  સિવિલ હોસ્પિટલ લઇ જવાયા હતા.એક રૂમના મકાનમાં રહેતા આ તમામ એક જ પરિવારના સદસ્યો હોવાનું કહેવાયું છે. 

સાતે'ય ને 108માં લઇ જવાયા 

ડીંડોલી વિસ્તારના  આરડીનગર નવાગામ માં રહેતા આ પરિવારના મકાનમાં સીલીન્ડર બ્લાસ્ટથી  લાગેલી આગ આગ એટલી ભયાનક હતી કે, બાજુની રૂમને પણ ઝપટમાં લીધી હતી. આસપાસના રહેવાસીઓએ તાત્કાલિક અસરથી 108ને ફોન કરી તમામને સિવિલ ખસેડવા તજવીજ હાથ ધરી હતી .