રાજકોટ-જામનગર રોડ પર એટીએમમાંથી ચોરી થઈ હોવાનું સામે આવ્યું છે. જેમાં શહેરના નાગેશ્વર વિસ્તારમા આવેલ એક્સીસ બેંકના એટીએમને તોડીને તસ્કરો દ્વારા કુલ 11 લાખ 55 હજારની ચોરી કરવામાં આવી છે.
મળતી માહિતી મુજબ ગઈકાલે રાત્રે બે બુકાનીધારીઓએ ગેસ કટરની મદદથી એટીએમ તોડીને ચોરી કરી છે. જો કે આ સમગ્ર ઘટના CCTVમાં કેદ થઈ છે. ત્યારે પોલીસે CCTV ફુટેજ મેળવીને આરોપીઓની શોધખોળ શરૂ કરી છે.
તો સાથે જ બીન ગુજરાતી ગેંગના સભ્યો દ્વારા કોઈ પણ જગ્યાએ ફિંગર પ્રિન્ટ ન મળે તે માટે હેન્ડ ગ્લોઝ પહેરીને આ સમગ્ર ઘટનાને અંજામ આપ્યા હોવાનુ પોલીસની પ્રાથમિક તપાસમાં બહાર આવ્યુ છે.
ડ્રોવરમાંથી 20 હજારના રોકડની ચોરી કરી મહીલાઓ ફરાર
રાજકોટના યાજ્ઞિક રોડ પર આઈસ્ક્રીમના પાર્લરમાં ચોરીની ઘટના સામે આવી છે. આઈસ્ક્રીમના પાર્લરમાં મહિલાઓના ટોળાએ પ્રવેશ કર્યો હતો. જેમાંથી મહિલાઓએ દુકાનની અંદર જવાનો પ્રયાસ કર્યો હતો. આ દરમિયાન વેપારીનું ધ્યાન ભટકાવીને એક મહિલાએ દુકાનના ડ્રોવરમાંથી 20 હજારના રોકડની ચોરી કરી હતી. ચોરી કર્યા બાદ મહિલાઓ ફરાર થઈ હતી.