અમદાવાદના જગતપુરમાં ગણેશ જેનેસિસિ રેસિડેન્સીમાં 6ઠ્ઠા માળે ભીષણ આગ લાગી હતી. 6ઠ્ઠા માળે ACનું કોમ્પ્રેસર ફાટતાં ભીષણ આગ લાગી હતી. ફાયરબ્રિેગેડની 10 ગાડીઓએ ઘટનાસ્થળે પહોંચી આગને કાબૂમાં લીધી હતી. ફાયરની ટીમે 26થી વધુ લોકોને રેસ્ક્યું કર્યા છે. જેમાં 7 લોકો ગંભીર હાલતમાં છે અને એકનું મોત થયું છે.
જગતપુરમાં ગણેશ જેનેસિસ રેસિડેન્સીમાં 6ઠ્ઠા માળે 26થી વધુ લોકો ફસાયેલાં હતા જેઓને રેસ્ક્યું કરાયાં છે. જેમાંથી 7 લોકોની હાલત અત્યંત ગંભીર છે કે જેઓને સારવાર અર્થે હોસ્પિટલ ખાતે ખસેડાયા અને ત્યાં ઘટનાસ્થળે જ અલ્કાબહેન પટેલ નામની એક મહિલાનું સોલા સિવિલમાં મોત નિપજ્યું હતું.
શહેરનાં જગતપુરના ગણેશ જેનેસિસ બિલ્ડીંગમાં ACનું કોમ્પ્રેસર ફાટતા ચારે બાજુ અફરા-તફરીનો માહોલ સર્જાઇ ગયો. જો કે આ ઘટનાની જાણ ફાયર વિભાગને થતા જ ફાયર વિભાગની 10થી વધુ ટીમ ઘટના સ્થળે પહોંચીને આગ પર કાબૂ મેળવાની કામગીરી હાથ ધરી હતી. જેઓએ આગ પર કાબુ મેળવી લીધો છે.
સ્નોરેકલ બંધ થતાં લોકોને જીવના જોખમે રેસક્યું:
વધુમાં તમને જણાવી દઇએ કે આ ઘટના વેળાએ બચાવ કામગીરી દરમિયાન ફાયરસેફ્ટિમાં ટેક્નિકલ ખામી થતા ફાયરનું સ્નોરેકલ બંધ થઈ ગયું હતું. ત્યાર બાદ સ્નોરેકલ ચાલુ કરવા માટે ચાર વાર પ્રયત્નો કર્યા હોવા છતાં સ્નોરકલ ચાલુ થયું ન હોતું. સ્નોરેકલ કામ ન કરતા ફાયરની ટીમે લોકોને માટે બચાવવાની જાળી, પાણીની પાઇપ અને દોરડા બાંધીને લોકોને જીવના જોખમે નીચે ઉતાર્યા હતા. જો કે આ આગનું કારણ જાણવા માટે ઘટનાસ્થળે FSLની ટીમ પણ બોલાવાઇ. અમદાવાદનાં ચીફ ફાયર ઓફિસર દસ્તૂરે આ મામલે નિવેદન આપતા જણાવ્યું કે, 'અમારી પાસે ઓપરેટર ન હોવાથી હાઇડ્રોલિક સીડી ન હોતી ખુલી શકી.'
બે ઓવરવેઈટ લોકો 9મે માળે ફસાયા હતાઃ
ચીફ ફાયર ઓફિસર એમ.એફ.દસ્તુર મુજબ, નવમા માળે બે લોકો ફસાયા હતા. ત્યારે આ બન્ને લોકો ઓવરવેઇટ હોવાથી તે લોકોને આગ પર કાબૂ મેળવ્યા બાદ જ નીચે ઉતારવામાં આવ્યા હતા. મહત્વનું છે કે આગ લાગતા જ 10 ફાયર બ્રિગેડની ગાડીઓ ઘટનાસ્થળે પહોંચી ગઇ હતી. ત્યારે એવામાં એક ઈજાગ્રસ્ત યુવકને બહાર નીકાળવામાં આવ્યો હતો. આ યુવકની હાલત ગંભીર હોવાથી તેને હોસ્પિટલ ખાતે ખસેડાયો હતો.
ઈલેક્ટ્રિક સપ્લાય બંધ થતા પાણી બંધ થયું:
ફાયરબ્રિગેડ દ્વારા પાણીનો મારો ચલાવવામાં આવી રહ્યો હતો તેવા સમયે ફ્લેટમાંથી કોઈએ ઇલેક્ટ્રિક સપ્લાય બંધ કરી દેતા પાણી એકાએક બંધ થઈ જતા ફાયરબ્રિગેડની કામગીરીમાં અડચણ આવી હતી. જેથી ફાયર વિભાગે પોતાના પાણીના ટેન્કરમાંથી પાણીનો મારો શરૂ કર્યો હતો.
ઘરની ચાદરો બાંધી ને ટોઈલેટની વિન્ડોમાંથી ઉપરના માળે ગયાઃ
આ ફ્લેટના રહીશના કહેવા મુજબ 11માં માળે સવારના ઓફિસ જવા માટે મેં જ્યારે દરવાજો ખોલ્યો તેવા સમયે પેસેજમાં ખૂબ ધુમાડો હતો. જેને લઇ મેં દરવાજો બંધ કરી દીધો ને ત્યાર બાદ 7થી 8 લોકો ઘરમાં હાજર હતા. બાદમાં ઘરની ચાદરો બાંધી અને 11માં માળેથી ટોઈલેટના ડકમાંથી વિન્ડોમાંથી ઉપલા માળે લઈ ગયા અને ત્યાર બાદ ધાબા પર પહોંચ્યાં. જો કે અમે હેલિકોપ્ટરની પણ માંગ કરી હતી અને ફોન પણ કર્યો હતો તેમ છતાં કોઇ જ પ્રકારની અમને મદદ મળી ન હોતી.
ફ્લેટના રહીશોની ફાયરકર્મીઓ સાથે મારામારીઃ
આ ભીષણ આગને પગલે ચીફ ફાયર ઓફિસર પણ ઘટનાસ્થળે દોડી આવ્યા હતા. જો કે અહીં અગત્યની બાબત તો એ છે કે બચાવ કામગીરી દરમિયાન ફ્લેટના કેટલાંક રહીશોએ ફાયરકર્મીઓ સાથે મારામારી કરી હતી. જેથી બાદમાં પોલીસ સ્થાનિકોની ભીડને કાબુમાં કરી શકતી ન હોતી. જેને પગલે રેસ્કયુ કામગીરીમાં અડચણ ઉભી થઈ હતી.
બે બ્લોક ભેગા કરીને ફ્લેટ બનાવાતા બે રૂમો આવી ગયા ઝપટમાં:
આ ફ્લેટના બે બ્લોક ભેગા કરીને એક મોટો ફ્લેટ બનાવાયો હતો. જેથી રસોડામાંથી આગને ડ્રોઈંગ રૂમ અને બીજા રૂમમાં ફેલાતા એકાએક ફર્નિચર બળવા લાગ્યું અને જેને પગલે આગ વધુ ને વધુ વિકરાળ બનવા લાગી હતી.