ઝારખંડ / દલિત બાળકીનું અપહરણ કરી 3 દિવસ સુધી રેપ કર્યો, હવસ સંતોષી ગામના સિમાડે મુકી ગયા

• ઝારખંડમાંથી એક હચમચાવી નાખતો કિસ્સો સામે આવ્યો
• દલિત બાળકીનું અપહરણ કરી ત્રણ દિવસ સુધી રેપ કર્યો
• રેપ કર્યા બાદ ધમકી આપી, જાનથી મારી નાખવાની આપી દીધી ધમકી

ઝારખંડમાં દલિત તથા આદિવાસી સગીર બાળકીઓ સાથે દુષ્કર્મ તથા સામૂહિક રેપની ઘટનાઓ સતત આવતી રહે છે. ત્યારે હવે ફરી એક વાર માનવતા નેવે મુકતી ઘટના ગઢવામાંથી સામે આવી છે. અહીં મુસ્લિમ યુવક દ્વારા એક દલિત છોકરીનું અપહરણ કરીને તેની સાથે ત્રણ દિવસ સુધી દુષ્કર્મ કરવામાં આવ્યું. રેપની ઘટનાને અંજામ આપ્યા બાદ છોકરીને ડરાવી ધમકાવીને છોડી મુકવામાં આવી હતી.

કહેવાય છે કે, જિલ્લાના બરડીહા પોલીસ સ્ટેશન હદ વિસ્તારમાં આવેલા આ ગામની દલિત બાળકીનું અપહરણ કરીને ત્રણ દિવસ બાદ તેને છોડી મુકવામાં આવી હતી. આ ઘટનાને લઈને સમગ્ર પંથકમાં તણાવ ભરી સ્થિતિ છે. ત્રણ દિવસ સુધી કબ્જામાં રાખવા દરમિયાન બાળકી સાથે વારંવાર રેપ કર્યો. આરોપી ઈરશાદ ખાન વિરુદ્ધ ફરિયાદ નોંધાઈ છે. પોલીસે પીડિતાને અરજી પર કેસ નોંધીને તપાસ શરુ કરી છે. 

આ ઘટનાના સંબંધમાં પીડિતાએ જે ફરિયાદ નોંધાવી છે, તે અનુસાર, ગત 6 સપ્ટેમ્બરના રોજ તેનું અપહરણ કરવામાં આવ્યું હતું. સાંજના સાત વાગ્યે તે શૌચ કરવા ગઈ હતી. આ દરમિયાન ઈરશાદ અને તેના અન્ય સાથીઓેએ મોં પર કપડા વડે દબાવી અને તેને મોટરસાયકલ પર ઉઠાવીને લઈ ગયા. રસ્તા પર તેનું મો કપડા વડે દબાવી રાખ્યું, જેથી તે બેભાન થઈ ગઈ, જ્યારે તેને ભાન આવી તો, તે એક રૂમમાં બંધ હોવાનું અનુભવાયું. ત્યાર બાદ ઈરશાદે બાળકીના પરિવારના લોકોને જાનથી મારી નાખવાની ધમકી આપી અને બાળકીને પીંખી નાખી.

પીડિતાના જણાવ્યા અનુસાર, જ્યારે તેણે વિરોધ કર્યો તો, તેને ખૂબ મારી. અપહરણના બે દિવસ બાદ તેને કહેવાયુ કે, તેની માતા સાથે વાત થઈ ગઈ છે. તેને મારા માણસો મઝિઆંવ છોડી દેશે. જો આ ઘટના વિશે તે અથવા તારા પરિવારના લોકોએ પોલીસને જણાવ્યું તો, તને અને તારી માતાને જાનથી મારી નાખીશ. ત્યાર બાદ તેને 9 સપ્ટેમ્બરે લાલ રંગની કારમાં લાવીને બકોઈયા, મઝિઆવની સીમાડે લાવીને છોડી મુકી. જ્યાં તેની માતા પહેલાથી તેની રાહ જોતી હતી, કારણ કે અપહરણકર્તાએ પહેલાથી ફોન કરીને તેની માતાને ત્યાં બોલાવી હતી.