હવે કોરોના ટેસ્ટ માટે મોઢા અને નાકના સ્વૈબનો વિકલ્પ કોગળાના પાણીએ લીધો છે. એક શોધમાં જાણવા મળ્યું છે કે હવે ટેસ્ટ માટે કોગળાના પાણીનો પ્રયોગ પણ કામ કરશે.
કોરોના ટેસ્ટમાં હવે મળશે આ વિકલ્પ
સ્વૈબને બદલે થશે કોગળાના પાણીનો ઉપયોગ
ખર્ચમાં થઈ શકે છે મોટો ઘટાડો
કોરોના ટેસ્ટ માટે હવે સ્વૈબને બદલે કોગળાના પાણીનો વિકલ્પ અપનાવી શકાશે. ઈન્ડિયન કાઉન્સિલ ઓફ મેડિકલ રિસર્ચ (Indian Council Of Medical Research)ના જર્નલમાં પ્રકાશિત શોધમાં દાવો કરાયો છે કે ટેસ્ટ માટે કોગળાના પાણીનો ઉપયોગ પણ સરળતાથી કરી શકાશે. તેનાથી સેમ્પલ કલેક્શનને માટે કોઈ મેડિકલ પ્રશિક્ષિત વ્યક્તિની જરૂર પણ પડશે નહીં.
ખર્ચમાં થઈ શકે છે ઘટાડો
શોધમાં દાવો કરાયો છે કે કોગળાના પાણીનો ઉપયોગ કરવાથી ટેસ્ટિંગ કિટ અને અનેક પ્રકારના ઉપકરણોના પ્રયોગ ન થવાના કારણે ખર્ચમાં ઘટાડો થઈ શકે છે. ઉલ્લેખનીય છે કે હાલમાં કોવિડ ટેસ્ટિંગના નિયમો અનુસાર ટેસ્ટ કરતી સમયે મેડિકલકર્મીને પીપીઈ કિટ પહેરવી પણ આવશ્યક છે.
આ ડોક્ટર્સે કરી શોધ
Gargle lavage as a viable alternative to swab for detection of SARS-CoV-2 નામની આ શોધના શોધકર્તા એમ્સના મેડિસિન ડિપાર્ટમેન્ટના ડો. નવનીત વિજ, ડો, મનીષ સોનેજા, ડો. નીરજ નિશ્ચલ અને અંકિત મિત્તલ છે. આ સાથે જ એમ્સના એનેસ્થેશિયા અને ક્રિટિકલ કેર ડિપાર્ટમેન્ટના ડો. અંજન ત્રિખા અને ડો. કપિલ દેવ પણ છે.
સ્વૈબ કલેક્શનમાં છે અનેક ખામી
સ્વૈબ કલેક્શનની પ્રક્રિયામાં અનેક ખામી છે. સાથે જ તેના માટે ટ્રેનિંગની પણ જરૂર રહે છે. હેલ્થ કેર વર્કર્સને સંક્રમિત થવાના ખતરો પણ વધારે રહે છે. એક વૈકલ્પિક સેમ્પલ વ્યવસ્થાની મોટી જરૂર છે.
મે અને જૂન મહિનામાં થયા સેમ્પલ ટેસ્ટ
શોધમાં કહેવાયું છે કે વૈકલ્પિક રીતે કોગળાના પાણીનો ઉપયોગ કરી શકાય છે. આ સ્ટડીને માટે મે અને જૂન મહિનામાં એમ્સના સેમ્પલ કલેક્શન લેવાયા હતા. 50 કોરોના સંક્રમિત લોકો પર કરાયેલા ટેસ્ટ સમયે પણ કોગળાના પાણીમાં કોરોના વાયરસ મળ્યા હતા.
સ્વૈબ કલેક્શન સમયે લોકોને થતી હતી અસુવિધા
ઉલ્લેખનીય છે કે કોરોના ટેસ્ટ માટે સ્વૈબ કલેક્શનને લઈને અનેક લોકોને મુશ્કેલી થતી હતી. શોધમાં કહેવાયું છે કે સ્વૈબ કલેક્શન સમયે 72 ટકા લોકોને અસુવિધા રહેતી હતી. જ્યારે કોગળાના પાણીના સેમ્પલ લેતી સમયે ફક્ત 24 ટકા લોકોએ કહ્યું કે તેમને થોડી જ તકલીફ થઈ હતી.