ઈન્ટરનેટ પર એક વિડીયો વાયરલ થઇ રહ્યો છે. જેમાં કેટલીક મહિલાઓ મુંબઈ એસી લોકલ ટ્રેનમાં નાચતી અને ગરબા કરતી જોવા મળી રહી છે.
મુંબઈની લોકલ ટ્રેનનો એક વિડીયો વાયરલ
મહિલા કોચમાં બહેનો જુમ્યા ગરબાના તાલે
ઈન્ટરનેટ પર વિડીયો થયો વાયરલ
નવરાત્રિના આ નવ દિવસનો તહેવાર દેશભરમાં ધામધૂમથી ઉજવવામાં આવે છે. આ પ્રસંગે લોકો ગરબાના તાલે નાચતા જોવા મળી રહ્યા છે, જેના વીડિયો આજકાલ સોશિયલ મીડિયા પર ખુબ જ વાયરલ થઇ રહ્યા છે. હાલમાં જ આવો જ એક વીડિયો સામે આવ્યો છે, જેમાં કેટલીક મહિલાઓ મુંબઈ એસી લોકલ ટ્રેનમાં નાચતી અને ગરબા કરતી જોવા મળી રહી છે. ઈન્ટરનેટ પર વાયરલ થયેલો આ વીડિયો સૌનું ધ્યાન ખેંચી રહ્યો છે. આ પહેલા પણ રેલવે સ્ટેશન અને ટ્રેનમાં ગરબાના તાલે લોકો એકબીજા સાથે તાલ મિલાવતા જોવા મળ્યા હતા. જુઓ વિડીયો.
મુંબઈ લોકોલ લોકોની લાઇફલાઈન
મુંબઈની લોકલ ટ્રેન લોકો માટે લાઈફલાઈન છે, કરોડો નાગરિકો રોજની મુસાફરી કરીને પોતાના ગંતવ્ય સ્થાને પહોંચે છે. આ સાથે જ મુંબઈની લોકલ ટ્રેનમાં મુસાફરી કરતા મુસાફરોની પ્રતિભાના ઘણા વાયરલ વીડિયો સોશિયલ મીડિયા પર રોજ યૂઝર્સના દિલ જીતી લે છે. ઘણી વખત લોકલ ટ્રેનોમાં લાંબા અંતરની મુસાફરી કરતા મુસાફરો પોતાનો સમય પસાર કરવા માટે ગીતો ગાતા કે ભજન કીર્તન કરતા જોવા અને સાંભળવા મળે છે.
લોકલા ડબ્બામાં ગરબા
આ સાથે જ મુંબઈની લોકલ ટ્રેનના લેડીઝ કોચમાં મહિલાઓ ગરબા કરતી હોય તેવો વીડિયો સોશિયલ મીડિયામાં ધૂમ મચાવી રહ્યો છે. વીડિયો જોઈને યૂઝર્સ મહિલાઓના વખાણ કરતા થાકતા નથી. વીડિયો જોઈને મહિલાઓના મનોરંજન અને મસ્તીના મૂડનો અંદાજ લગાવી શકાય છે. ઇન્ટરનેટ પર વાયરલ થયેલા આ વીડિયોને લોકો ખૂબ જ પસંદ કરે છે.