સનસનાટી / સુરતમાં જમીન મામલે થયેલી માથાકુટ બાદ સૂર્યા મરાઠી ગેંગે 'હાર્દિક'ને પતાવી દીધો

• સુરતમાં ફરી ગેંગવોર
• સૂર્યા ગેંગમાં આંતરિક લડાઈ
• 2 લોકોના મોત

બન્ને વચ્ચે જમીનની અદાવત મામલે ટકરાવ થયો હતો. જેમાં સામ સામે હુમલો થતા બન્નેનું મોત નિપજ્યું છે. આપને જણાવી દઈએ કે, સૂર્યા મરાઠી અગાઉ હીરાના કારખાનામાં નોકરી કરતો હતો. 

ફાયરિંગના ગુનામાં પણ સૂર્યાની હતી સંડોવણી 

ઉલ્લેખનીય છે કે, તે હીરાનો સારો કારીગર ગણાતો હતો પરંતુ બે-ત્રણ વખત ઘર નજીક થયેલી મારામારી બાદ તે ગુનાખોરીની દુનિયામાં આવ્યો હતો અને પોતાની ગેંગ બનાવી હતી. ચોક બજાર, ખટોદરા સહિતના વિસ્તારમાં મારા મારી અને ફાયરિંગના ગુનામાં પણ સૂર્યાની સંડોવણી હોવાનું સામે આવ્યું છે.

કોણ છે સુર્યા મરાઠી? 

કુખ્યાત બની ગયેલો સૂર્યા મરાઠી જમીન દલાલીની સાથે જ જમીનોના પ્રકરણમાં ધાકધમકીના જોરે પોતાની એક ગેંગ ઓપરેટ કરી રહ્યો હતો. અંખડ આનંદ કોલેજ સામે આવેલી ત્રિભુવન સોસાયટી પાસે રહેતો આ શખ્સ પર થોડા સમય પહેલા પલિયા બારૈયા નામના ગેંગસ્ટરે ફાયરિંગ કરાવ્યું હતું, જેમાં સૂર્યાનો ચામત્કારીક બચાવ થયો હતો. તેના ઘર પાસે તહેવારો દરમિયાન મારામારી કર્યા બાદ સૂર્યો લાઇમ લાઇટમાં આવ્યો હતો.