દેશ / ખૂંખાર ગેંગસ્ટર લોરેન્સ બિશ્નોઈની દિવાની થઈ બે છોકરીઓ, ઘેરથી ભાગીને જેલમાં મળવા આવી, જુઓ શું કર્યું

• ગેંગસ્ટર લોરેન્સ બિશ્નોઈને મળવા આવી 2 સગીરા
• ઘરેથી ખોટું બોલી દિલ્હીથી ભટિંડા પહોંચી બાળકીઓ
• 8-9 ધોરણમાં અભ્યાસ કરતી સગીરાઓને સખી સેંટરમાં મોકલાયું

ગેંગસ્ટર લોરેન્સ બિશ્નોઈએ જેલથી એક ટીવી ચેનલને આપેલા ઈન્ટરવ્યૂને લીધે સરકાર અને પોલીસમાં વિવાદ શાંત થાય તે પહેલા તો જેલમાં એક વિચિત્ર ઘટના બની. ગેંગસ્ટર લોરેન્સનો ઈન્ટરવ્યૂ સાંભળીને પ્રસન્ન થયેલી દિલ્હીની રહેનારી 2 સગીરા યુવતીઓ તેને મળવા માટે ભટિંડા પહોંચી ગઈ હતી. બંને સવારે કેન્દ્રીય જેલ ભટિંડાની બહાર પહોંચી અને મોબાઈલથી જેલની બહાર ફોટો ખેંચવા લાગી હતી. એટલું જ નહીં તેઓ સેલ્ફી પણ ક્લિક કરવા લાગી હતી.

લોરેન્સને મળવા દિલ્હીથી અહીં આવી સગીરાઓ
જેલની સુરક્ષામાં તૈનાત પોલીસ સૈનિકોએ તેને આવું કરતાં જોયું ત્યારે તેમણે બંનેની પૂછપરછ કરી. બંનેએ જવાબ આપતાં જણાવ્યું કે ગેંગસ્ટર લોરેન્સ બિશ્નોઈથી મળવા દિલ્હીથી અહીં આવી છે. જેના બાદ મામલાની જાણકારી જેલ સુપરિટેંડેંટ સિવાય સ્ટેશન કેંટ પોલીસને આપવામાં આવી. પોલીસ ટીમે બંને સગીરાઓની ધરપકડ કરીને તેમને સખી સેંટરમાં રાખ્યું. પોલીસે તેમના પરિવારજનો સાથે સંપર્ક કરીને તેમને ભટિંડા બોલાવ્યાં હતાં.

2 minor girls came to Bathinda after getting influenced by social media. They lied in their house that they are going on a trip. After counselling, we understood that after getting influenced they came here to take selfies: Ravneet Kaur Sidhu, Child Protection Officer, Bathinda pic.twitter.com/Ti3YNUPIHd

— ANI (@ANI) March 16, 2023

મોબાઈમાં મળી આવ્યાં લોરેન્સનાં ફોટોઝ
કેન્દ્રીય જેલ સુધી પહોંચેલી છોકરીઓમાંથઈ એક 9માં ધોરણમાં અને એક 8માં ધોરણમાં અભ્યાસ કરતી હતી. પૂછપરછમાં તેમણે જણાવ્યું કે સોશિયલ મીડિયા પર લોરેન્સ બિશ્નોઈનો ઈન્ટરવ્યૂ જોઈને તેમનાથી મળવાની ઈચ્છા થઈ હતી. તેમના માટે લોરેન્સ પ્રતિનો ક્રેઝ કોઈ ફિલ્મી હીરો જેવો હતો. બંને છોકરીઓનાં ફોનમાં લોરેન્સનાં અનેક ફોટોઝ પણ મળી આવ્યાં હતાં.

અધિકારીઓએ આપી આ માહિતી
જેલ અધિક્ષક એન.ડી. નેગીએ જણાવ્યું કે બંનેથી પ્રાથમિક પૂછપરછ બાદ સ્થાનીય પોલીસને બોલાવીને તેમના હવાલે કરી દીધાં હતાં. ત્યારે SSP ગુલનીત ખુરાનાએ કહ્યું કે સગીરા છોકરીઓની પોલીસે ધરપકડ કરીને સખી સેન્ટર મોકલેલ છે. તેમના પરિવારજનોને પણ માહિતી આપી દેવામાં આવી છે. તેમના મોબાઈલને પણ તપાસવામાં આવી રહ્યાં છે.

પરિવારજનોને અમૃતસર જવાની વાત કરી હતી
બંને છોકરીઓ પોતાના પરિવારજનોને અમૃતસર જવાનું કહીને દિલ્હીની શકૂર બસ્તીથી ફાજિલ્કાની ટિકીટ લઈને ટ્રેનમાં બેસી ગઈ અને ભટિંડા રેલ્વે સ્ટેશન પર ઊતરી ગઈ. ત્યારબાદ ઓટોથી બંને કેન્દ્રીય જેલ સુધી પહોંચી ગઈ.