સાંતલપુર પંથકમા ચોંકાવનારી ગેંગરેપની ઘટના સામે આવી છે. પ્રેમી સાથે સગીર યુવતીનો વિડીયો બનાવી સગીરાને સતત એક મહિના સુઘી બ્લેકમેલ કરતા રહ્યા અને ૩ નરાધમ ઇસમો સગીરાને વીડીયો વાયરલ કરવાની ધમકી આપી દુષ્કર્મ આચરતા રહ્યા હતાં.
ગેંગરેપનો શિકાર બની સગીરા
પ્રેમી સાથેના વીડિયોને વાયરલ કરવાની ધમકી
ત્રણ શખ્સોએ 1 મહિના સુધી કરી બ્લેકમેઇલ
ઉલ્લેખનીય છે કે, આશરે એક મહિના પહેલા સગીર યુવતીનો આ વીડીયો બનાવ્યો હોવાનું ભોગ બનનાર સગીર યુવતીએ પોલીસ ફરિયાદમાં જણાવ્યું છે. સગીર યુવતીએ આ ઇસમોની ધમકીથી તાબે થવાની ના કહી ત્યારે આ ત્રણેય દુષ્કર્મીઓએ સગીર યુવતીનો બનાવેલ વીડીયો વાયરલ કર્યો હતો.
વીડિયો થયો વાયરલ
આ સગીરા સાથે બનેલી સામુહિક દુષ્કર્મની ઘટનાની પોલીસ ફરિયાદ પણ સગીરાના પરીવારજનો સાંતલપુર પોલીસ મથકે નોંધાવી છે. જો કે હાલમાં સગીરા પર સામુહિક દુષ્કર્મ આચરનાર ત્રણ આરોપીઓ શકિતસિંહ જાડેજા, જગતસિંહ જાડેજા અને મિતાઝખાન સિપાઈ ફરાર છે.
દુષ્કર્મ કરનારાઓ પોલીસ પકડથી દૂર
આટલી મોટી ઘટના બની હોવા છતાં પણ સામુહિક દુષ્કર્મ કરનારાઓ પોલીસ પકડથી દૂર હોવાને લઈ હાલ ગામમાં પોલીસ પ્રત્યે નારાજગી જોવા મળી રહી છે.