અમદાવાદમાં વધુ એક દુષ્કર્મનો કિસ્સો સામે આવ્યો છે. અમદાવાદના પૂર્વ વિસ્તારમાંથી 19 માર્ચના રોજ એક 20 વર્ષીય યુવતિનું અપહરણ કરવામાં આવ્યું હતુ. જે બાદ દુષ્કર્મનો શિકાર બનેલી યુવતીને કિડની અને માનસિક અસર થતા સારવાર દરમિયાન મોત નિપજ્યું છે.
ચાર લોકોએ યુવતી પર ગેંગરેપ આચર્યા બાદ તે ગર્ભવતી બની હતી. યુવતીને કિડની અને માનસિક અસર થતા તેને સારવાર અર્થે હોસ્પિટલ ખસેડવામાં આવી હતી. જ્યાં તેમને મૃત બાળક અવતરતા સમગ્ર મામલો સામે આવ્યો હતો.
યુવતીએ હોસ્પિટલમાં ચાર લોકો વિરૂદ્ધ દુષ્કર્મ આચર્યાનું નિવેદન આપ્યું હતું. ચાર શખ્સો દ્વારા યુવતીને પરીક્ષામાં ફોર્મ ભરવાની લાલચ આપીને દુષ્કર્મ આચર્યું હતું. ત્યારબાદ યુવતીને પોતાના સાથે દુષ્કર્મ થતાં આ ઘટનામાં રામોલ પોલીસ સ્ટેશનમાં ફરિયાદ નોંધાવી હતી.
આ મામલે ડીસીપી અક્ષય રાજ મકવાણાએ જણાવ્યું કે, 4 આરોપી સામે ગુનો નોંધાયો છે. યુવતીના લગ્ન પહેલા બળાત્કાર થયો હતો. ચારના અધૂરા નામ સામે આવ્યા હતા. ત્યાં સારવાર ચાલતી હતી શંકાસ્પદ લાવ્યા છીએ. યુવતીના બાળકના મોત બાદ 18 દિવસ પછી તેના ડીએનએ લેવાયા અને ભળતા ડીએનએ સાથે મેચ કરી તપાસ કરવામા આવે છે.
વધુમાં તેમણે જણાવ્યું કે, હાર્દિક યુવતીની નજીક રહેતો હતો તે અનેક ગુનામા સંડોવાયેલ છે. તેની તપાસ ચાલુ છે. યુવતીની માનસિક સ્થિતિ સારી ન હોવાથી તે કોઈને ઓળખી શકતી ન હતી. નિષ્ણાંત ડોક્ટરના સંપર્કમાં રહી તપાસ ચાલુ છે.
સંવેદનશીલ ગુનો છે નિર્દોષ ન આવે તે માટે યોગ્ય તપાસ ચાલુ છે. હાર્દિકના માતા પિતાનુ ડિએનએ થયુ છે. તેનો રિપોર્ટ નથી આવ્યો. યુવતીનુ મોત મેડિકલ તકલીફના કારણે થયુ છે. યુવતીના કોલ ડિટેઇલ તથા સોશિયલ મિડીયાની મદદથી તપાસ ચાલુ છે. નજીકના ભવિષ્યમાં આરોપી પકડાઈ જશે તેમ ડીસીપીએ જણાવ્યું હતું.