ગેંગવોર / સુરતની લાજપોર જેલમાં કૈલિયા ગેંગ અને રાહુલ એપાર્ટમેન્ટ ગેંગ વચ્ચે વૉર, સ્ટીલની પ્લેટમાંથી બનાવ્યું હતું હથિયાર

• સુરતની લાજપોર સેન્ટ્રલ જેલમાં ગેંગવોર 
• કૈલિયા ગેંગ અને રાહુલ ગેંગ વચ્ચે થઇ ઝડપ
• ગેંગવોરમા એક કાચા કામનો કેદી ઇજાગ્રસ્ત

સુરતની લાજપોર જેલની અંદર ગેંગ વોર

સુરતના લાજપોર સેન્ટ્રલ જેલમાં કાચા કામના કૈલિયા અને રાહુલ એપાર્ટમેન્ટ ગેંગ વચ્ચે ગેંગવોર સર્જાવવાની ઘટના સામે આવી છે. જેમાં એક કેદી ઈજાગ્રસ્ત થતાં તાત્કાલિક સારવાર અર્થે સુરતની નવી સિવિલ હોસ્પિટલમાં દાખલ કરવામાં આવ્યો છે. મહત્વનું  છે કે, કેટલાક કેદીઓએ બેરક નંબર A9/4ની બહાર જ કેદી નિર્મલ પરમાર હુમલો કરી દેતા મોઢા, હાથ ઉપર ઈજાઓ પહોંચાડી હતી. 

બેરક નંબર A9/4 બહાર જ અચાનક 10-12 જણા તૂટી પડયા

આ અંગે પોલીસ સૂત્રોના જણાવ્યા અનુસાર  સુરતના લાજપોર સેન્ટ્રલ જેલમાં આજે સવારે આઠ વાગ્યે બની હતી. 10-12 કેદીઓએ બેરક નંબર A9/4ની બહાર જ કેદી નિર્મલ પરમાર હુમલો કરી દેતા મોઢા, હાથ ઉપર ઈજાઓ પહોંચાડી હતી. મહત્વનું છે કે, નિર્મલ 5-6 દિવસથી જ જેલમાં કાચા કામના કેદી તરીકે સજા કાપી રહ્યો છે.

જેલની અંદર રહેલી સ્ટીલની પ્લેટ માંથી બનાવ્યું હતું હથિયાર

ઉલ્લેખનીય છે કે, ઇજાગ્રસ્ત કેદી નિર્મલ પરમાર પર હુમલો થયો તે રાયોટિંગના ગુનામાં છેલ્લા ત્રણ-ચાર મહિનાઓથી સુરતની સેન્ટ્રલ લાજપોર મધ્યસ્થ જેલમાં બંધ હતો. આ ઘટનામાં તેને આંખની બાજુમાં, ડાબા હાથના પાછળના ભાગે અને અન્ય નાની ઈજાઓ હતી. આરોપીને થાળીથી મારવામાં આવ્યું છે.